Die grootste brand in nege jaar op die terrein van die Voortrekkermonument (VTM) is vinnig geblus.
Danie Dreyer, sekuriteitshoof van die VTM, sê die brand het Sondag by Fort Schanskop uitgebreek.
Die Sinoville Brandbestrydingsvereniging (SBBV), Tshwane-nooddienste en die veiligheidsmaatskappy Fidelity het saam met die bestuur van die monument gewerk om die brand te blus.
Die SBBV het onlangs twee brandbestrydingsvoertuie aan die VTM geskenk wat volgens Dreyer “van kardinale belang was” om die brand onder beheer te bring.
“Danksy die tientalle brandbestryders is daar geen skade aan enige infrastruktuur by Fort Schanskop aangerig nie en niemand is tydens die brand beseer nie,” sê hy.
“In dié stadium is die Voortrekkermonument nie bewus van enige diere wat seergekry het nie.”
Die oorsaak van die brand is nog onbekend.
“Met ʼn brand wat so skielik uitbreek, is ons dankbaar vir die gemeenskap wat saamstaan en inspring om te help om ons omgewing te help bewaar en te beskerm.”
Dreyer sê daar is plekke waar die brand nog opvlam, maar die VTM-personeel is deurlopend besig om die brande te blus en die situasie te monitor.
Die monument se bedrywighede gaan intussen voort soos normaal.
Winnie Mandela het mos destyds gesê
“With our matches we shall liberate this country”. Moenie eens verder soek vir ‘n ander rede vir NOG ‘n brand in ons eens pragtige land nie.
Dit is definitief die werk van slu en agteraf terroriste wat hulle doelwitte is sal seker net hulle onontwikkelde brein weet.
Ek ruik n rot. Wonder wanneer gaan die brande eindig. Alles wat vir ons saakmaak gaan hulle vernietig. Ons moet paraat wees.
Dit is nie heeltemal ‘n slegte ding nie want nou is daar geen wegkruipplek vir die sluipslapers en lapswaaier kriminele nie.