Gruvonds op Noordwes-plaas gemaak

Argieffoto

Argieffoto

ʼn Bejaarde man se liggaam, waarvan die kop en ander liggaamsdele verwyder is, is op ʼn plaas naby Christiana in Noordwes gevind.

Lt.kol. Pelonomi Makau, provinsiale polisiewoordvoerder, het Woensdag gesê die liggaam is op die plaas, Honesty, deur die boer gevind.

“Die boer het Sondag op die ontbinde liggaam in een van sy kampe afgekom en dadelik die polisie ontbied,” het Makau gesê. “Die man se kop is vermis en met verdere ondersoek is bepaal dat van die man se liggaamsdele ook vermis is.”

Die polisie vermoed die man is tussen 70 en 80 jaar oud. Die oorsaak van sy dood en sy identiteit is nie bekend nie. Die polisie stel ondersoek in.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
Maria van Dieweeck

Mal toordokters en duiwelse muti is die oorsaak van sy dood

Lida

Is dit net in Afrika waar hierdie bisarre en barbaarsheid voorkom of kom dit in ander lande ook voor? Ek glo nie!!! Dit is net hier waar hulle nog glo dat seuns in die berge besny moet word en aan toordokters glo. Kan nie glo dit word hoegenaamd toegelaat nie. Het die man se familie hom dan nie as vermis aangemeld nie en sal graag wil weet wat die omstandighede rondom sy dood was.

Nita

Nasies wat ons vandag as beskaafd beskou, het die soort praktyke al 3000 jaar gelede afgele.

Asjas

Weereens, kan ons dalk ‘n beskrywing van die man kry? Hierdie is seker die enigste land in die wereld waar die beskrywing van iemand rasisties is!
Daar is mense wat geliefdes soek en dalk kan help om die saak vinniger opgelos te kry.
Nou gaan die hele land die Polisie bel want sy Sjinese Oupa met groen hare en pers vel is Woensdag nag met sy clown suit by die agterdeur uit wat is Noordwes se rigting wys.

Jan Fisant

Dié dinge gebeur in Krugersdorp ook. Net gister was daar berigte van ‘n wit satanistiese nes daar en nóg moord wat ondersoek word. Ons hele land, ongeag velkleur, is deurtrek met die boosheid en kriminaliteit.