Hof stel regulasies oor voedselverspreiding ter syde

Lindiwe Zulu, minister van maatskaplike ontwikkeling. (Foto: Verskaf)

Die minister van maatskaplike ontwikkeling, Lindiwe Zulu, het vandeesweek vir die tweede keer bloedneus in die hof gekry toe haar jongste regulasies oor die verspreiding van voedselhulp Dinsdag in die hooggeregshof in Kaapstad ter syde gestel is.

Dít kort nadat dieselfde hof verlede maand beveel het dat die polisie en amptenare van die departement van maatskaplike ontwikkeling verbied word om konsepregulasies oor die verspreiding van voedselhulp af te dwing.

Die DA het by albei geleenthede Zulu hof toe gesleep oor die voorgestelde regulasies wat die verspreiding van voedselhulp streng beheer.

Die minister se jongste regulasies is verlede Donderdag bekendgemaak. Dit het gepoog om ’n ingewikkelde stelsel daar te stel waarvolgens nieregerings- en liefdadigheidsorganisasies eers aan ’n lys omvattende bepalings moes voldoen voordat hulle enige maatskaplike hulp aan behoeftiges sou kon verleen.

Volgens James Lorimer, ’n woordvoerder van die DA, sou dié stelsel, nes die departement se vorige regulasies, verhoed dat behoeftiges voedselhulp ontvang weens administratiewe rompslomp.

“Toe die polisie en amptenare van maatskaplike ontwikkeling die eerste stel regulasies oor voedselverspreiding in werking gestel het, is derduisende mense verhinder om kos te kry terwyl minister Zulu die verspreiding daarvan wou sentraliseer,” verduidelik Lorimer.

“Ondanks die feit dat sy erken het dat sy nie die skadelike gevolge van die afsonderingstydperk op arm mense verwag het nie, het Zulu steeds voortgegaan met haar nuwe regulasies.”

Lorimer voer aan dat die minister nou al bewys het dat sy nie omgee vir diegene in nood nie en dus van haar amp onthef behoort te word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

24 Kommentare

jongste oudste gewildste
Francois

Ek stem. Fire haar. Sy is net so pateties oor die voorskoolse kinders

Marius

Het enige een in die regering al ooit om gegee oor “arm” of behoeftige mense ? Hulle gee mos nie om nie hulle het genoeg van alles , kyk net na hulle . Zulu en Zuma moet onmidelik af gedank te word weens die feit dat hulle nie dink nie en as hulle dink is dit net aan hulle self of seun . Ne Zuma ?

Paul

Sy is ‘n PATETIESE minister wat geen benul het wat haar pos behels nie. Ramaphosa behoort haar af te dank maar hy het nie die ruggraat om dit te doen nie!

Michael

Geen Afrikaleier het al ooit omgegee vir hul burgers nie-die is net middele om hulself te verryk. Sal nooit verander nie-kyk gerus na geskiedenis van Afrika

Elsa

Kry vir jou. Julle wil mos nie hoor nie!

Maak mos net jul eie sakke vol.