Hofsaak oor afsonderingsregulasies: Uitspraak voorbehou

Dr. Nkosazana Dlamini-Zuma. (Foto: Jairus Mmutle/GCIS)

Uitspraak word voorbehou in die regering se appèlaansoek teen ʼn vroeëre hofbevinding wat vlak 4 en vlak 3 van die afsonderingsregulasies irrasioneel en ongrondwetlik verklaar het.

Nkosazana Dlamini-Zuma, minister van samewerkende regering en tradisionele sake, se aansoek is Woensdagoggend in die Pretoriase hooggeregshof aangehoor waarna regter Norman Davis gesê het uitspraak sal “binnekort”gelewer word.

Adv. Wim Trengove SC, een van die land se beste advokate wat voorheen al pres. Cyril Ramaphosa in die hof verteenwoordig het, het namens die regering opgetree. Hy het vanoggend in die hof aangevoer dat die saak dwingende redes van openbare belang het en in ʼn hoër hof getoets moet word. Volgens Trengove behoort die hooggeregshof se vroeëre uitspraak in die hoogste hof van appèl getoets te word.

EWN berig Davis het die minister en die drukgroep Liberty Fighters Network daarvan verseker dat hy die dringendheid van die saak besef en sy beslissing so spoedig moontlik elektronies aan hulle sal stuur.

Liberty Fighters Network het die hofaansoek teen die regering ingedien om die afsonderingsregulasies ongeldig en ongrondwetlik te laat verklaar.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

17 Kommentare

jongste oudste gewildste
Johann

Darm lekker om te kan aanjaag soos jy wil,oor en oor en oor, en nie te hoef worry oor wat die gevolge is nie en as jy aangevat word…lekker te kan spend en spend en spend op hofsaak na hofsaak? Bloot GEEN verandwoordbaarheid nie!

Barbara

Sy gaan seker weer laaste lag en weg kom met als.

Robert

Hoekom is dit altyd uitspraak voorbehou. Is die regters nie voorbereid om ‘n uitspraak te lewer nie of gaan hulle nou eers eker maak watter een is die polities korrekte uitspraak wat hulle moet lewer. Ek is seker daarvan daar is ‘n “time” limiet op die lewering van uitsprake want dit het ‘n geldelike resultaat tot gevolg.

Marius

So word die belastinggeld spandeer en die kas heeltemal leeg gemaak omdat onbevoegde mense in poste sit net omdat hulle daar moet sit . Die vrou is die oorsaak van baie werloosheid in die land en dan wil sy nog stry daaroor . Regtig ou kopdoek ???

Persheks

Wanneer kan ons sigarette koop en terug keer na normaal? Dom verby! Ag sy maak moeg verby met als! Korrupsie op korrupsie en GEEN gevolge vir haar nie. Lekker nuwe SA hier kan jy ‘n krimineel wees en weg stap! Sy gaan WEER weg kom met als soos elke keer genade tog! Hoe lank nou nog? Mors ons belasting geld