Jhb-man in oprit geskiet

Argieffoto (Foto: imgkid.com)

Argieffoto (Foto: imgkid.com)

Die Gautengse polisie ondersoek ʼn saak van poging tot moord nadat ʼn 68-jarige man Donderdagoggend tydens ʼn kaping in sy huis se oprit geskiet is.

Ao. Hitler Ngwenya, woordvoerder van die polisie, het gesê die man het in die oprit by sy huis in Westonaria, aan die Wesrand, stilgehou en uit sy motor geklim om die hek oop te maak, toe twee gewapende aanvallers op hom toegesak het.

“Die verdagtes het die man geskiet en hy het voor die hek inmekaargesak. Sy vrou, wat in die huis was, het gesien wat gebeur,” het Ngwenya gesê. Die aanvallers het daarna in die man se motor gespring en weggejaag.

Russel Meiring, woordvoerder van ER24, het gesê die man is twee keer in die maag geskiet en was in ʼn ernstige toestand. “Hy is op die toneel gestabiliseer voordat hy per helikopter na ʼn privaathospitaal in Johannesburg geneem is,” het Meiring gesê.

Volgens Ngwenya is die man se vrou nie beseer nie, maar is sy ook op die toneel vir skok behandel.

“Die polisie ondersoek ʼn saak van kaping en poging tot moord. Niemand is nog in hegtenis geneem nie,” het hy gesê “Enigiemand met meer inligting word versoek om kapt. Ndlovu op 076 321 6500 te bel.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

17 Kommentare

jongste oudste gewildste
martie

Waneer gaan dit ophou Elke dag word mense geroof en geskiet. Dit word net erger en erger jys nerens veilg nir

Irene

Dan baklei hulle vir taal en straatname daar is erger dinge wat aan gaan in die f sa

humor

Dit wat ons in hierdie land voorle oortref al ons vermoedens. E T het dit van verhoog tot vehoog vir die volk uitgespel

Cherokee

re
‘ Die verdagtes het op die man geskiet en hy het voor die hek inmekaar gesak.’
Waarvan word hulle verdink, Maroela?
(Julle bevestig tog dat hulle die man geskiet het en die kar gesteel het, so nou maak julle hulle verdag oor iets anders.)

Ben Prinsloo

Cherokee ek stem nie heeltemal saam met jou nie maar ek weet dit wat jy sê dra baie gewig. Net so terloops, FW en Pik het hierdie land oorgevat met n tipe staatsgreep sonder dat ons daarvan geweet het. Die laaste groot staatsman wat ons gehad het was HF Verwoerd en die wat ons nie gehad het nie was Jaap Marais. Maar ek sê dit met groot respek teenoor van die ander.