(Foto: Shutterstock)
Vyf verdagtes is Donderdagaand in hegtenis geneem in verband met ʼn rooftog by ʼn juwelierswarewinkel in Klerksdorp.
Volgens inligting het drie gewapende verdagtes vroeër die dag by die winkel by ʼn winkelsentrum betree en die verkoopspersoon met ʼn vuurwapen gedreig, sê lt.kol. Amanda Funani, woordvoerder van die polisie.
“Die verkoopspersoon kon ontsnap en die verdagtes het verskeie juweliersware gebuit. Hulle het in ʼn wegkomvoertuig met twee ander verdagtes van die toneel gevlug.”
Met behulp van die Syntell-kameragroep is die verdagtes se voertuig op die N12 in die rigting van Wolmaransstad opgemerk.
“Die taktiesereaksie-eenheid van die Dr Kenneth Kaunda-distrik en Wolmaransstad-polisie het die voertuig onderskep en die verdagtes in hegtenis geneem.”
Beamptes het beslag gelê op die gesteelde goedere.
Die verdagtes, tussen 28 en 41 jaar oud, sal na verwagting Maandag in die Klerksdorp-landdroshof verskyn op aanklag van sakeroof.
Lt.genl. Sello Kwena, provinsiale polisiekommissaris, het al die eenhede geloof wat saam gewerk het om seker te maak die verdagtes word aangekeer.
Dit gaan rof daar in my ou tuisdorp.
Dit raak nou al n weeklikse instelling en so arrogant dat hul nie eens maskers dra nie.