Kampnaweek eindig in moordtragedie

misdaadtoneel

Argieffoto

ʼn Man (58) is Saterdagaand wreedaardig vermoor en sy vrou (52) met ʼn hamer aangerand terwyl hulle gekampeer en visgevang het in die omgewing naby die Mponeng-myn langs die N12 tussen Carletonville en Fochville.

Kapt. Lungelo Dlamini, provinsiale polisiewoordvoerder, het die voorval aan Maroela Media bevestig. Die voorval het volgens hom om 22:37 plaasgevind toe die egpaar, oorspronklik van Westonaria, langs die dam gekampeer het vir die naweek.

“Hulle is oorrompel deur twee mans. Die man is aan die linkerkant van sy bors met ʼn mes gesteek en aan die linkerkant van sy kop met ʼn klip geslaan. Die vrou is met ʼn hamer aangerand op haar hande en lyf,” het Dlamini gesê.

Volgens Dlamini het die verdagtes te voet gevlug met ʼn bedrag kontant en ʼn selfoon.

Marius Müller, nasionale operasionele koördineerder van AfriForum, het die voorval bevestig.

Die egpaar wat aangeval is, is vriende van ʼn AfriForum-buurtwaglid. AfriForum is ook van voorneme om die gesin by te staan, onder meer met berading.

Die polisie ondersoek ʼn saak van moord, aanranding met die doel om ernstig te beseer en roof met ʼn wapen.

Niemand is nog in verband met die voorval in hegtenis geneem.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

48 Kommentare

jongste oudste gewildste
Gatvol

So so gatvol vir hierdie wettelose land!!

Martie

Ai tog, ons verdriet en magteloosheid het nie meer perke nie. My innige meegevoel aan die familie en alle Afrikaners wat vasgevang is in ñ draaikolk van smart agv …… ;((

Jianni Coetzee

Mag mens nou nie eers meer gaan kamp nie. Is so gat vol vir al hierdie aanvalle en moorde. Lyk my mens moet soos ‘n verdomde krimineel agter tralies bly en net mooi nêrens meer heen gaan nie. Want hier in ons land bly ons as publiek agter tralies en en die verdomde krimineel loop vry rond.

Jaap

Kan nerens gaan om eers te ontspan nie.
Lyk my mens moet net alarms orals op sit en wag by jou huis dat hulle jou aanval.
Liewe hel

Realis

My BLOED KOOK!! Danksy ons Verraaiers is ons nou lewenslank tot huisarres gevonnis! En dit op sig self waarborg ook nie meer ons veiligheid nie!!