Klein Henry verloor sy stryd

Henry Bosman het Sondagoggend gesterf. Foto: Facebook

Henry Bosman (5), die seuntjie wat verlede Donderdag ernstig beseer is toe hy onder ʼn laaigraaf beland het, het gesterf.

ʼn Familielid het die nuus aan Maroela Media bevestig dat Henry vanoggend in die hospitaal oorlede is.

Die familie sal moontlik in ʼn latere stadium bereid wees om meer bekend te maak oor die omstandighede waarin hy oorlede is.

Maroela Media het vroeër berig Sakkie Bosman, Henry se pa, het vertel Henry en sy driejarige boetie, Ian, was laat Donderdagmiddag saam met hom op die veeldoelige laaigraaf (TLB) op hul plaas in die Petrus Steyn-distrik in die Oos-Vrystaat toe Henry afgeval en die TLB oor hom gery het.

Baba Casper was by sy ma, Elle (38).

Henry is sedertdien in ʼn privaat hospitaal in Bethlehem behandel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

66 Kommentare

jongste oudste gewildste
Elvira

Rus in vrede liewe Henry. Sterkte aan die familie. Mag julle vertroosting kry.

KG

RIV Henry….dis so ongelooflik hartseer. My innige simpatie aan sy geliefdes.

Foxi

My hart is nou so seer??Sterkte aan die ouers. ????

Linda

Ag ek is so jammer vir julle. Ek bid dat die Here julle sal vertroos soos net Hy kan. Sterkte!

Linda peo

Innige simpatie aan al die familie rus sag liewe engeltjie