Kleuter val 14 verdiepings na sy dood

Foto: SAPD, Facebook

ʼn Driejarige kleuter is dood nadat hy Vrydag vermoedelik deur ʼn venster van die 14de verdieping van ʼn woonstelblok in Randburg, Gauteng, geval het.

Kapt. Makgowanyana Maja, woordvoerder van die polisie, het in ʼn verklaring gesê die seuntjie se ma was glo onder die indruk dat hy slaap toe die voorval gebeur.

Volgens Maja het die seuntjie se ma omstreeks 08:30 in haar sitkamer gesit toe een van haar bure aan haar deur geklop het. “Die buurvrou het die ma gevra waar haar kind is en sy het gesê die kleuter slaap. Die ma het in die slaapkamer gaan kyk en gesien haar kind is weg,” het Maja gesê.

Hy het gesê die buurvrou het die ma geneem na die toneel onder op die grondvlak buite die gebou waar haar seuntjie gelê het. “Daar word beweer dat die seuntjie deur ʼn venster geval het vanuit die woonstel op die 14de verdieping waar sy ma woon.”

Paramedici is ontbied, maar die kind is op die toneel dood verklaar. Volgens Maja het kontrakteurs op die seuntjie se liggaam afgekom en die buurvrou daarvan in kennis gestel.

ʼn Geregtelike doodsondersoek word gedoen.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

22 Kommentare

jongste oudste gewildste
Ken2

Dit is verskriklik. So tragies!

Tragies.

Ag nee man. Dit is verskriklik. Ek het nie woorde nie. My broer het ‘ n 3 jarige seuntjie. Ek sal seker mal wees.

Hmmmm

Klink nie vir my reg nie….

Gerda

Is daar nie tralies voor die vensters nie veral in n kleuter se kamer?

al

Dis verskriklik tragies!!