Kommissie gaan ‘rasregter’ ondersoek

Mabel Jansen. Skermskoot: eNuus

Mabel Jansen. Skermskoot: eNuus

Die Regterlike Dienskommissie (RDK) het Dinsdag gesê ʼn amptelike klag is by die kommissie ingedien teen ʼn Pretoriase regter in die hooggeregshof, Mabel Jansen, nadat haar opmerking op sosiale media oor swart mans se “kultuur” van verkragting aan die lig gekom het.

“Die RDK neem met kommer kennis van die openbare verontwaardiging oor regter Jansen se uitlatings,” het die sekretariaat in ʼn verklaring gesê. “Alle regters is onderworpe aan die regterlike gedragskode wat dien as die heersende standaard vir geregtelike optrede waaraan regters moet voldoen.”

Gillian Schutte. Foto: Facebook

Gillian Schutte. Foto: Facebook

Die sekretariaat het bevestig dat adv. Vuyani Ngalwana SC ʼn amptelike klag in sy hoedanigheid as voorsitter van die Advokate vir Transformasie asook in sy persoonlike hoedanigheid ingedien het.

“Die RDK versoek die publiek om toe te laat die nodige prosesse hul gang gaan en vertrou dat die kommissie se gedragskomitee die kwessie op ʼn regverdige en behoorlike manier sal hanteer.”

Die RDK het gesê ná ʼn vergadering met Jansen is ʼn voorstel dat sy op spesiale verlof gaan aan die minister van justisie en korrektiewe dienste gestuur vir oorweging.

Maroela Media het vroeër berig ʼn herrie het op 7 Mei op sosiale media losgebars nadat ʼn private gesprek in 2015 tussen Jansen en Gillian Schutte, ʼn joernalis en aktivis, aan die lig gekom het. Schutte het die gesprek, waarin Jansen haar mening verduidelik oor swart Suid-Afrikaanse mans se beweerde kultuur van verkragting, openbaar gemaak.

Die gesprek wat Gillian Schutte gedeel het.

Die gesprek wat Gillian Schutte gedeel het.

Schutte het skermskote geplaas waarin Jansen glo skryf: “In hul kultuur is ʼn vrou daar om aan hulle genot te verskaf. Punt. Dit [seks] word beskou as ʼn absolute reg en ʼn vrou se toestemming is nie nodig nie.” Sy het ook geskryf: “Ek moet nog ʼn swart meisie ontmoet wat nog nie teen 12-jarige ouderdom verkrag is nie. Ek is doodernstig.” Schutte het ook ʼn skakel gedeel waarin Jansen glo soortgelyke uitlatings op ʼn openbare forum gemaak het.

Volgens Schutte is dit nie die eerste keer wat sy probeer het om dié uitlatings openbaar te maak nie. Sy het dit reeds in Junie 2015 by die RDK aangemeld, maar daar het klaarblyklik niks daarvan gekom nie.

Jansen het op 8 Mei op haar Twitter-rekening gereageer deur te twiet: “Wat ek vertroulik aan iemand gesê het, is heeltemal buite konteks geneem en verwys spesifiek na hofsake.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

37 Kommentare

jongste oudste gewildste
m

Wel sy sal seker beter weet, hulle moet elke dag die dade aanhoor van die kriminele in die hof…………………

Lance

Wat wil hulle nou ondersoek …wat sy se word gestaaf en beaam deur die statistiek ….of is die statistiek verkeerd …die punt is net sy weet waarvan sy praat …

E

Net nog ń slagoffer van die “currently disadvantage” onderdruktes.
Net nog ń hoë boom wat die wind van voor vang.
Apparteid omgekeer.

Liewe heksie

En as ek reg hier is is dit een van haar eie (wit)mense wat haar allie gebrand het weer net n bewys ons kan nou maar net nie saamstaan nie ander witte seker agter die dame se pos aan

christine

Jong nog n Dabra Pattas hierdie Schutte sal ook soos Debra nou maak of ons Afrikaners AWBs is maak my siek