Argieffoto (Foto: Maria Godfrida/Pixabay)
ʼn Kouefront sal na verwagting Vrydagmiddag die land tref en gure weersomstandighede in die Wes-Kaap veroorsaak.
Die Suid-Afrikaanse Weerdiens het gesê sterk westelike en noordwestelike winde (40 – 60 km/h) kan van die oggend verwag word oor die hele Wes-Kaap net voor die kouefront. Stormsterkte winde (60 – 75 km/h met rukwinde van 80 – 100 km/h) kan ook in plekke oor die Sentraal-Karoo, Breederiviervallei en Kaapse Skiereiland verwag word.
Reën word ook deur die loop van Vrydagmiddag in die Wes-Kaap verwag en sneeu word Vrydagaand tot Saterdagoggend op die suidelike berge van die Wes-Kaap verwag.
Plaaslike vloede word in die Kaapse Wynlande, Overberg en Kaapstad-middestad verwag.
Geprojekteerde windspoed (in knope) oor die Wes-Kaapse binneland en kusgebied vir Vrydagmiddag en Saterdagoggend
Reën word Vrydag in die Wes-Kaap verwag
Maksimumtemperature vir Saterdag, 22 Junie 2019
hoekom se hulle gure weer, is heerlike winterweer wat nodige reen bring
Manie; natuurlik is die verwagte reën broodnodig en baie welkom. Gure weersomstandighede in die vorm van stormsterkte winde en baie koue temperature sien ek nie baie na uit nie.
Ek sal snoesig onder my vere uvet bly of met goeie boek of fliek op Netflix. Niks lekkerder as reen teen die ruit nie.
Ek stem met jou saam maar jy moet nie vergeet van lepellê nie.
Kom ons beskerm ons diere teen die koue asb.