Limpopo-pa hang kleuter en toe homself

Argieffoto

Argieffoto

ʼn Pa van Bela-Bela in Limpopo het glo sy vierjarige seuntjie gehang voordat hy selfmoord gepleeg het.

Kol. Ronel Otto, polisiewoordvoerder, het aan Maroela Media gesê Abraham Mmuti Lebudi (30) was glo Vrydagaand met die ma van sy kind, Dinah Sebolai (23), in ʼn rusie betrokke by ʼn plaaslike kroeg.

Lebudi is omstreeks 21:15 na sy huis waar hy ʼn tou om hul seun, Theboga Frans Sebolai, se nek gesit en hom in ʼn boom gehang het.

“Die pa het die volgende oggend vroeg familielede gebel en verduidelik waar hulle die kind se liggaam sou aantref,” het Otto gesê. “Hy het ook gesê hulle sou sy liggaam in dieselfde gebied aantref. Sy liggaam is later gevind waar hy homself aan sy nek in ʼn boom gehang het.”

Otto het gesê ʼn geregtelike doodsondersoek sal gedoen word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

9 Kommentare

jongste oudste gewildste
CHRISTA

SKOKKEND!!!

christine mathom

Waar wonder ek, was die ma op die tydstip. Waaragtig skokkend.

Marie Oosthuizen

Ai waar gaan die lewe sommige mense gooi. Hoekom n kind se lewe neem? Dis mos nie sy rusie nie. RIV kleinding.

pop

Christine, Hulle se mos, die ma was in die kroeg> En haar kind word vermoor. Haar man het verkeerde een gehang. Wonder hoe het sy volgende oggend gevoel??? DRANK is n euwel wat uitgeroei moet word.

Illa

Tipies. Ons leuse is mos “drink and be merry”, maar bewaar jou siel as jy ‘n sigaret voor ‘n kind aansteek! Dit is sosiaal aanvaarbaar om vir jou ‘n lang glas dop te gooi, met of sonder kinders in jou teenwoordigheid, maar moet net nie ‘n sigaret aansteek nie. By eetplekke gaan staan ek skuldig en skaam om die hoek en rook my sigaretjie terwyl ek deur mense met glase wyn in die hand aangegluur word asof ek ‘n kernbom plant, maar glo my. Nog nooit het ek my onder die invloed van ‘n sigaret ongegrond vererg vir my kinders… Lees meer »