Magashule se seuns kry glo duur Covid-19-kontrak

Ace Magashule (Foto: Itumeleng English/ANA)

Ace Magashule, sekretaris-generaal van die ANC, se seuns het elk na bewerings voordeel getrek uit Covid-19-kontrakte in die Vrystaat. Dit volgens onthullings deur die ondersoekende joernalis Pieter-Louis Myburgh. Volgens hom het die kontrakte ʼn gesamentlike waarde van R2,7 miljoen.

Magashule se seuns Tshepiso en Thato Magashule is na bewering alleendirekteurs van die maatskappye Motheko Projects en Marvel Deeds, wat elk luidens die Vrystaatse tenderbulletin ʼn kontrak vir die verskaffing van Covid-19‑dienste of ‑produkte toegeken is. Luidens ʼn antwoord wat die nasionale tesourie aan die DA verskaf het, verskaf Motheko Projects vloeibare seep en maskers, terwyl Marvel Deeds handreinigers verskaf.

Ace, wat reeds jare lank daarvan verdink word dat hy finansiële voordeel getrek het uit die mislukte Vrede-suiwelprojek in die Vrystaat, ontken dat hy enigiets te doen gehad het met die proses, berig eNCA.  Thepiso sê weer hy het niks verkeerd gedoen nie.

“Dit demonstreer net weereens dat Ace Magashule steeds sy kloue diep in die Vrystaatse koffers het,” het David Van Vuuren, die DA se hoofsweep in die Vrystaatse wetgewer, in ʼn verklaring gesê. Die DA eis nou dat die ANC ondersoek instel na die bewerings wat teen sy sekretaris-generaal gemaak is. “Dit sal ʼn toets wees om te sien of pres. Cyril Ramaphosa genoeg ruggraat het om teen sy sekretaris-generaal op te tree en die belange van Suid-Afrikaners voor dié van sy party te stel,” sê Van Vuuren.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

34 Kommentare

jongste oudste gewildste
melaney

Moet nie asem ophou nie. Hier gaan niks van kom nie. Dit is so duidelik soos daglig dat cyril nie aan die stuur van hierdie land is nie. Elke keer wanneer hy die land ‘toespreek’ kan ons sien dat hy eintlik nie wil wees daar waar hy staan en ‘n pot snot verkondig nie.

Henk

“Dit sal ‘n toes wees of Cyril ruggraat het” Asseblief! Hoeveel toetse is nog nodig om te bevestig dat hy ‘n jellie blop is! Dit het al die aanvaarde norm geword dat die gespuis met lang vingers en ‘n onversadigbare drang na mag en geld hierdie land ly! …en nee, ek het nie verkeerd gespel nie.

Nell

Ag asseblief, hoekom sal Ramaphosa nou ewe skielik ‘n ruggraat groei, dis nie iets wat oornag gebeur nie.

Jacobus

Melaney wat jy sê is waar! Hoop net ons kan deur die Teflon laag breek. Kan 50 milj. ” our people ” só blind wees .Aan die anderkant kan hulle altyd apartheid blameer. Die spul versprei net genoeg finansiële soetmakers om die wolwe van die deur weg te hou! Hulle moet net onthou daar is IEMAND wat hulle dophou!

Kokerboom

Wanneer gaan die NVG hierdie struikrower kader tot verantwoording roep?