Mahumapelo mag terugkeer as Noordwes-premier

Supra Mahumapelo, voormalige premier van Noordwes. (Foto: ANA)

Die hooggeregshof in Johannesburg het Woensdag beslis die ANC se besluit om die party se provinsiale uitvoerende komitee in Noordwes te ontbind was onwettig en ongrondwetlik.

Supra Mahumapelo, voormalige premier van Noordwes, en vier ander amptenare het dié besluit in die hof betwis.

Regter Fayeeza Kathree-Setiloane het die ontbinding van die komitee ter syde gestel en gelas dat Mahumapelo en sy provinsiale uitvoerende komitee binne twee dae weer in hul amp aangestel moet word. Sy het ook gelas dat die ANC die koste van die regsgeding moet betaal.

“Die ANC se besluit op 31 Augustus verlede jaar om die provinsiale uitvoerende komitee van Noordwes te ontbind, word onwettig verklaar en ter syde gestel,” het Kathree-Setiloane gesê. Volgens Kathree-Setiloane is die ANC se nasionale uitvoerende komitee (NUK) se besluit om ʼn provinsiale taakspan aan te stel, óók onwettig.

Kathree-Setiloane het gesê dat die sogenaamde vergaderings rakende die besluit chaoties was en dat dit nié aan prosedurele billikheid voldoen het nie.

Die hof was Woensdag stampvol met ANC-ondersteuners. Ondersteuners het struggle-liedere gesing nadat die uitspraak gelewer is.

Mahumapelo is in Augustus verlede jaar uit sy pos as premier verwyder nadat gewelddadige betogings in dié provinsie opgevlam het. Hy is vervang deur Job Mokgoro.

Zizi Kodwa, waarnemende nasionale woordvoerder, het gesê die ANC sal interne prosesse volg om die saak verder te hanteer.

“Ons doen ʼn beroep op al ons strukture in die Noordwes om gefokus te bly op die mobilisering vir ʼn oorweldigende ANC-oorwinning in die komende verkiesing,” het Kodwa gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

22 Kommentare

jongste oudste gewildste
Spike

Wat ñ ramp is die comrades en kaders nie vir sa.

Meerkat

En hier kry Cyril nou nog ‘n kopseer by, dit nou sommer so ‘n dag voor Julius van hom antwoorde in die parlement soek. Die wit hemde wag daar vir Julius, maar Meimaand se verkiesing is om die draai en dan kan Supra die uitklophou plant.

KanJyNouMeer

Ek wonder watse “struggle-liedere” word daar nog in 2019 gesing, want nou is dit eintlik maar net ñ struggle teen hulself!

Jerry

Alles wat die ANC aan vat, verander in n groot gemors!

John

Die uitspraak lui bloot dat die regte prosedures nie gevolg is nie en nie dat die klaer ‘n eerbare beampte was nie… hoewel Supra die indruk wil skep. Dit was ‘n gruwelike spulletjie. Hy weet dat die ANC nie so voor die verkiesing golwe wil maak nie en hoop om hom weer in te grawe in die bankkrot-provinsie. Die ergste is dat die ANC se lys van betroubares op nul staan. Na die verkiesing gaan robotte in die parlement dien… hopelik nie uit die Ooste nie…