Malema, Ndlozi Maandag weer in hof

Malema en Ndlozi na ‘n vorige hofverskyning. (Foto: EFF/Twitter)

Julius Malema, leier van die EFF, en EFF-LP Mbuyiseni Ndlozi sal na verwagting Maandag weer in die Randburg-landdroshof op aanklagte van aanranding verskyn.

Malema en Ndlozi staan op die aanranding van kol. Johannes Venter, ʼn senior polisielid van die Suid-Afrikaanse polisiediens, tereg.

Die vervolging kom ná volgehoue druk deur die burgerregte-organisasie AfriForum, wat die hof in 2019 met ʼn mandamus-aansoek genader het om die Nasionale Vervolgingsgesag (NVG) te dwing om ʼn besluit oor die vervolging van Malema in hierdie saak én twee ander hangende sake teen hom te neem.

Die beweerde aanrandingsvoorval het in April 2018 by die begrafnis van Winnie Madikizela-Mandela plaasgevind waar Malema en Ndlozi glo die kolonel in uniform aangerand het.

Die voorval is op kringtelevisiekameras vasgevang en wyd op sosiale media versprei.

Hoewel Venter ʼn klag by die polisie ingedien het, blyk dit dat die saak eers aandag gekry het ná die organisasie se private vervolgingseenheid navraag oor die ondersoek ingedien het.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

17 Kommentare

jongste oudste gewildste
Swerwer

Waarom is die 2 nog nie toegesluit nie? Regtig Hoed, jy moet begin optree teen jou trawante.

Werner

Weet nie hoekom dit nog nuuswaardig is nie.Die saak gaan net weer uitgestel word en hy gaan net soos sy rolmodel zuma niks oorkom nie

Persheks Adri

Kry nou rigting magtag man! Sommer vir die afvuur van wapen ook in die publiek! Pateties dat die saak so lank vat

Misky

Hou op hierdie krimineel so baie gratis publisiteit gee. Vonnis hom en vertel ons dan hoe lank.

Sien is glo…..

Androclus

Waatoor gaan hy nog aan as die bewyse op kringtelevisiekameras is.Sluit hom toe dis al.