Man deur rowers agtervolg, geskiet

Argieffoto (Foto: imgkid.com)

Argieffoto (Foto: imgkid.com)

ʼn Man is in ʼn kritieke toestand nadat hy gedurende ʼn rooftog in Maitland, Kaapstad, geskiet is.

Kapt. FC van Wyk, woordvoerder van die polisie, het gesê die 63-jarige man is glo deur drie rowers in ʼn wit Toyota Yaris gevolg nadat hy by ʼn bank uitgestap het. Die rowers het die man in Productstraat oorval en in die bolyf geskiet.

“Terwyl die rowers op die vlug geslaan het, het hulle ook ʼn 60-jarige veiligheidswag geskiet wat die man te hulp probeer snel het. Hulle het daarna met ʼn onbekende bedrag kontant van die toneel af weggejaag,” het Van Wyk gesê.

Athlenda Mathe, woordvoerder van Netcare 911, het gesê die man wat beroof is, is op die toneel behandel en daarna in ʼn kritieke toestand na die Groote Schuur-hospitaal vervoer. Dit is nie duidelik wat die toestand van die veiligheidswag is nie.

Van Wyk het gesê twee sake van poging tot moord en ʼn saak van gewapende roof word ondersoek. Niemand is nog in hegtenis geneem nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

18 Kommentare

jongste oudste gewildste
Michael

Ek wonder hoe die skelms geweet het hoeveel geld die slagoffer by hom gehad het.??

johannes

dis maklik.
arresteer almal in die bank, sit almal deur poligraaf en jy gaan die skelm vang
inside job

Bertie

Ondersoek ook sommer die Teller wat hom bedien het, ek ruik lont.

Fransie

Jammer, maar ek het geen simpatie met die persoon nie. Hoeveel keer moet mense nog gewaarsku word om nie groot bedrae kontant te trek nie???? Almal weet al teen die tyd daar is ORAL kriminele (selfs in banke!!) – kyk nou maar weer na FNB as die nuutste voorbeeld. Luister tog asb net na raad en hou op groot bedrae kontant trek dan sal sulke dinge nie gebeur nie.

Zena

Ons is vinnig om n klip te gooi,ne. Nie almal het toegang tot tegnologie nie, so nie almal kan oorbetalings sommer net so doen nie. en die man is 63 jaar oud. natuurlik vertrou hy sy eie oordeel as dit by geld kom. En dalk moes hy mense gaan betaal het wat glad nie bank rekeninge het nie. Sterkte aan altwee wat geskiet is, hoop hulle sterk gou aan. en natuurlik ook dat die rowers/misdadigers so gou moontlik gevang word. en ja, ek stem dis seer sekerlik n “inside job”.