Man in hof wat glo plaaswerker doodskiet

hof-hamer

Argieffoto.

Stefan Hepburn (39) het Maandag in die Modimolle-landdroshof in Limpopo verskyn nadat hy na bewering ʼn jong plaaswerker tydens ʼn jagongeluk doodgeskiet het.

Brig. Motlafela Mojapelo, provinsiale polisiewoordvoerder, het gesê die oorledene is intussen as Jan Railo (23) geïdentifiseer.

Hepburn en ʼn vrou het Saterdagaand op ʼn plaas in die Tuinplaas-distrik buite Modimolle bosvarke gejag, toe die voorval gebeur het. Volgens Mojapelo beweer Hepburn hy het iets hoor beweeg en in die rigting van die geluid geskiet.

Hy het aan die polisie gesê hy het in die rigting waarin hy geskiet het, geloop en besef iemand is raakgeskiet. Railo is op die toneel dood. Hepburn het die voorval by die polisie aangemeld en ʼn saak van strafbare manslag is aanvanklik aanhangig gemaak. Dit is later na moord verander en Hepburn is Sondagaand by sy huis in Pretoria in hegtenis geneem.

Volgens Mojapelo is die saak tot Donderdag uitgestel, wanneer Hepburn om borgtog sal aansoek doen. Hy bly tot dan in polisieaanhouding.

Railo was ʼn werker op ʼn buurplaas in die Tuinplaas-distrik.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

17 Kommentare

jongste oudste gewildste
Rox

Ja nee nou sal EFF en die vroueliga seker weer voor die hof toi toi wanneer die man moet voorkom. Sterkte mnr.

Rita

Dis waar wat johan se. Wat het hy op daardie man se grond gesoek. Wat my so hartseer maak en bitter. Ons wit mense word so wreed seer gemaak en vermink en dood gemaak. Veral die arme ou mensies wat hulle self nie kan verdedig nie en klein kindertjies. Grote genade wat word van daardie afskuwelike monsters. Daar kom net mooi NIKS van dit. Dinge kan maar met ons witmense gebeur. Dis reg maar laat ñ wit man nou iets doen dan word hy in die tronk gegooi. Dis bitter onregverdig. Ons regering moet by kom. Ons wit mense word… Lees meer »

Will i am

Nou word daar op die nuus gesê ons vergelyk hulle met diere. Maak stories op soos dit hul pas.

AL

Die plaaswerker wat doodgeskiet is lyk soos n moeilikheidmaker. Sal my nie verbaas as hy vir kwaadgeld rondgeloop het op die buurplaas nie. Dis omdat moorde op wit mense nerens hoofnuus haal nie wat die eff en watter politieke partye dink hul het die reg om wit mense te veroordeel en politieke sensasie soek en opruiery veroorsaak.
Maroela Media is daar n manier om hierdie skreiende onreg aan te spreek?

Nog he Nel

Die toneel is moontlik gevee vir spore , wat die hele storie moontlik kan weerle.