Man sterf ná 6 honde hom aanval

Argieffoto

Die man wat deur ses honde by ʼn huis in Ruimsig, Roodepoort, aangeval is, het aan sy beserings beswyk.

Kapt. Balan Muthan, woordvoerder van die polisie, het bevestig die slagoffer het kort ná Woensdagmiddag se voorval in die hospitaal aan sy beserings beswyk.

Volgens Muthan het die man die afgelope drie jaar as tuinier vir die eienaar van die huis gewerk.

Die Dierebeskermingsvereniging (DBV) wat Roodepoort en Krugersdorp bedien, het intussen bevestig die man is deur ses Amerikaanse veghonde (pit bull terriers) aangeval. Die eienaar het vier van die honde intussen aan die DBV oorgegee. Die ander twee honde behoort glo aan iemand anders en die DBV stel in dié verband ondersoek in.

Maroela Media het vroeër berig paramedici is omstreeks 12:00 na die toneel ontbied waar ʼn man, in sy 30’s, in die tuin van die woning gelê het. Paramedici kon egter nie tot by die man kom om hom te help nie.

Volgens Russel Meiring, woordvoerder van ER24, is die plaaslike owerhede en die DBV se hulp ingeroep om die honde van die man weg te lok.

Die DBV het gesê sy inspekteurs het met hul aankoms gesien hoe die man verskeur word. “Die hek na die woning is onmiddellik verwyder en ons inspekteurs het ingery en die honde verjaag met hul voertuie se sirenes en toeters.”

Volgens die DBV het twee van sy inspekteurs uit hul voertuie gespring en die gewonde man in een van hulle se voertuig gelaai. “Die honde het aanhou terugkom en op die inspekteurs en die kritiek beseerde man afgestorm. Ons derde inspekteur het sy hande vol gehad om die honde te probeer weghou.”

Die DBV het gesê dit gaan sy verstand te bowe dat mense steeds ʼn trop honde sal aanhou van rasse wat neig om aggressief te wees en nie opgelei is nie. “Dit is nie die eerste of die laaste oproep wat ons sal ontvang van eienaars of gesinne wat deur hul eie honde verskeur word nie.”

Die polisie doen ʼn geregtelike doodsondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

108 Kommentare

jongste oudste gewildste
Piet

Ek hoop die eienaar kry tronkstraf en n vet boete.

KAKtus

Ek het mos gese. Dit is varksige honde

Dries du Toit

Ai tog daar kom dit nou dit was Pitt-Bulls. As dit nie die duisendste bewys is dat die goed net n tragedie is wat wag om te gebeur dan weet ek waaragtig nie. Mense is nie net dom astrant om hulle kinders by die diere toe te laat nie maar uiters uiters onverantwoordelik. Ek het menige Pitt-Bull eienaars al gewaarsku en uiteindelik moes ek hartverskeurend die mees aaklige woorde sê. “I told you so”

Dawie

4 pitbulle wat die eienaar s’n was en 2 wat daar gekuier het? Ons wil graag oorspronlike foto’s van daardie 6 honde sien. Ek is 100% seker dat dit geen pitbulle was nie

M R

Daai honde is geneig om mense te byt of aan te val, hulle is gevaarlik. Maak nie saak hoe lief jy hulle het, of hoe opgelei die mense dink hulle is nie, hulle kan, en sal draai op jou, dis in hulle geaardheid. Hulle moet heeltemal verban word.