Man sterf skielik terwyl hy visvang

strand_sand_golwe_pixabay.jpg

Argieffoto: pixabay.com

ʼn Man is Sondagoggend vroeg oorlede toe hy ingeengestort het terwyl hy visgevang het by Kreeftebaai tussen Melkbosstrand en Bloubergstrand in die Wes-Kaap.

Craig Lambinon, ʼn woordvoerder vir die Nasionale Seereddingsinstituut (NSRI), het Sondag gesê dié organisasie is vroeg ontbied nadat verbygangers die man inmekaar sien sak het.

Terence Lawson, ʼn NSRI-bemmaningslid, het kardiopulmonêre resussitasie (KPR) op die man uitgevoer, maar hy het reeds geen meer tekens van lewe getoon nie.

“ʼn Dokter wat toevallig op die toneel was en lede van die SA Paramedikusdienste het die man ook probeer bybring, maar hy is op die toneel dood verklaar,” sê Lambinon.

Daar word vermoed dat die man aan natuurlike oorsake oorlede is. Sy gesondheid was egter baie goed, en sy dood is daarom baie skielik vir sy familie. Meer inligting is in dié stadium egter nie bekend nie.

ʼn Geregtelike doodsondersoek is van stapel gestuur.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

31 Kommentare

jongste oudste gewildste
Aggenee...

Hoekom wemel MaroelaNuus só van die skokberigte…
Dit raak nou ‘n gewoonte. Dit maak julle nuus onaangenaam.

Ig

Ek glo hy het gesterf terwyl hy besig was met dit wat hom gelukkig gemaak het.

Aggenee

Hoekim moet die “ander mense” altyd ‘n voorstel maak? Ek het opgemerk dat die nuus gereeld skok…waarneming.
Vir my (wat opgegroei het in ‘n Afrikaanse joernalis-gesin), is sekere media-tegnieke oorbekend.
‘n Joernalis (en redakteur) behoort deurentyd te waak teen tendense. Hierdie tegniek red/sink jou koerant/tydskrif/elektroniese media.
Jou -publiek bepaal die graad van jou media, maar jou doel/beleid bepaal die inhoud/konteks van jou nuus.

Etta van der Merwe

Dit is baie sleg dat mense soveel negatiewe kommentaar lewer oor berigte wat Maroela Media plaas. Die oorspronklike punt word gemis terwyl julle mekaar met modder gooi. Maroela media, dankie om my op hoogte te bring van die nuutste gebeure, sleg of goed. Ek het baie respek vir joernaliste wat geweldige lang ure werk om ons op hoogte van gebeure in te lig.

My wereld....

Dink die lesers kan self selektief wees deur na die opskrifte te kyk. Anders is daar Pale Toe of Koolstoof. Weier om te kla oor iets wat gratis is.