Die Valke het ʼn 25-jarige man in hegtenis geneem nadat ʼn fopdiamant in sy besit gevind is.
Nomthandazo Mnisi, woordvoerder van die Valke, sê die man is Dinsdag in Christiana, Noordwes, in hegtenis geneem.
Sy inhegtenisneming volg nadat hy die fopdiamant vir R46 000 aan ʼn potensiële koper probeer smous het.
Die man sal na verwagting Woensdag in die landdroshof op Christiana verskyn.
Dom dommer domste eish! Wonder wat gaan die klag wees mmmmm
Ek wil en sal nooit wetteloosheid goedpraat nie, maar vir die valke om by so n beuselagtige saak betrokke te wees is regtig n ‘overkill’. Spandeer liefs julle tyd om ons te beskerm teen regte boosdoeners.
Enige koper van diamante wat val vir hierdie slenter moet masr die gevolge dra.