Die Vrystaatse polisie krap nog kop oor ʼn moontlike motief nadat die liggame van ʼn man en vrou dood in hul woning in Bloemfontein aangetref is.
Volgens ʼn polisieverklaring is lede van die Parkweg-polisiekantoor Dinsdagaand, ʼn paar uur voor Valentynsdag, na die Universitas-woongebied ontbied.
By hul aankoms, omstreeks 21:38, het die lede deur die venster van die woning gekyk en die liggaam van ʼn 63-jarige man gesien. Die man het op die bed gelê en het glo ʼn wond naby sy regteroor en ʼn vuurwapen in sy regterhand gehad.
Die polisie het die huis deursoek en hierna op die liggaam van ʼn 61-jarige vrou in die kombuis afgekom.
Luidens die verklaring het sy ʼn koeëlwond in haar kop en twee in haar lyf gehad.
Volgens sers. Mahlomola Kareli, polisiewoordvoerder, word ʼn klag van moord ondersoek en is ʼn geregtelike doodsondersoek begin.
Die name van die slagoffers is nog nie bekend gemaak nie.
Moedeloos geword en op Valentynsdag einde aan lewens gemaak. Depressie.
Geen moordenaar sal die moordwapen in die oorledene se hand los nie.Dit was self toegediende sķietwonde,m a w een saak van moord en die ander selfmoord.
Tragies… inige simpatie aan die naasbestaandes
Baie jammer .
My simpatie met die naasbestaandes.
Ja dit is tragies ne hartseer bejaarde eg paar seker moeg geraak vir alles en toe maar n einde gemaak aan alles hulle op beter plek as ons sterkte aan familie en vriende
Dit is so hartseer dat mense die besluit neem om nie meer te wil lewe nie, Dit raak al hoe erger, mense is skaam om hulp te vra. My gebede is met hul naasbestaandes
Ja nee dit is baie moeilik. Die vuurwapen is in sy hand , wat is daar om Kom te krap. Was in die SAPD baaaaaie sulke gevalle gesien.
@perdeby… SAPD wonder oor die motief