Universiteit Stellenbosch. (Foto: Facebook)
Die Universiteit Stellenbosch het aangekondig dat Huis Marais, ’n koshuis op die kampus wat tot dusver net mans gehuisves het, eersdaags studente van albei geslagte gaan huisves.
Luidens ’n verklaring deur die universiteit se sentrum vir studentegemeenskappe kan 90 vroue en 68 mans wat tans aan Maties studeer (en dus volgende jaar senior studente van verskillende jaargroepe op die kampus sal wees) volgende jaar in die koshuis geakkommodeer word, asook 90 eerstejaars.
Navrae toon dat leidende universiteite wêreldwyd al meer verblyf verskaf waar studente van albei geslagte in dieselfde gebou woon. Pieter Kloppers, direkteur van studentegemeenskappe by Maties, het gesê aansoeke vir inwoning word nou ingewag.
“Daar is wêreldwyd en ook op Stellenbosch ’n beweging na groter diversiteit in koshuise, as in gedagte gehou word dat koshuise nie net studente moet huisves nie, maar hulle ook op ’n ontwikkelende wêreld moet voorberei, en hulle die geleentheid moet bied om netwerke te vestig op ’n wyse wat vir hulle die grootste moontlike voordeel inhou,” het Kloppers verduidelik.
Hy sê hoewel verandering vir baie mense moeilik is om te hanteer, floreer studente gou in nuwe omstandighede en is die reaksie uit studentegeledere op transformasie van verblyf baie positief sodra die studente daaraan gewoond is.
So byvoorbeeld het die manskoshuis Eendrag ’n paar jaar gelede besluit om daarmee te eksperimenteer om ’n vrou tot hul huiskomitee (HK) te verkies ten einde sensitiwiteit oor geslagskwessies te bevorder (die vrou was nie op enige manier ’n inwoner van die koshuis nie).
Tans is daar verskeie manskoshuise wat in Eendrag se voetspore gevolg het en ook besluit het om ’n vrou op hul HK te verkies.
Wat die nuwe koshuis in Huis Marais betref, sal daar na verwagting op sommige vloere of seksies net mans woon, op ander net vroue en op ander albei geslagte. In hierdie verband toon navorsing en ervaring dat eerstejaars meer konserwatief is oor ruimtes wat deur albei geslagte gelyk bewoon word as wat senior studente is. Dit wil nie tans voorkom of twee mense van verskillende geslagte toegelaat sal word om ’n kamer te deel nie.
Wat toiletgeriewe betref toon ervaring die antwoord is om ’n beperkte aantal studente van albei geslagte spesifieke toiletgeriewe te laat deel. As ’’n student elke dag moet saamleef met diegene met wie hy of sy toilette deel, is die gedrag bykans altyd goed, maar nie sonder ’n spesifieke toedeling en beperking op wie die toiletgeriewe mag gebruik nie.
Kloppers het bevestig dat kommunale stortgeriewe taboe is.
Ek maak solank popcorn… LOL
Daar gaan al die ou koshuistradisies.
Oops, en sy naam is………..?
…………..”Glips”
Hoera vir die Nuwe Wèreld Wanorde-kultus wat Stellenbosch binne gevaar het. Waar gaan die grootse beeld staan wat die studente moet aanbid?
Watch this space….. Ek wag nou maar vir die eerste negatiewe artikel in die verband. Nee dis ‘n resep vir moeilikheid.
Moet ons solank begin brei?
Koop solank poeierblou en pienk wol, ons weet nog net nie of dit hy of sy gaan wees nie. Om neutraal te bly kan jy geel wol aanskaf. LOL
Mans en vrouens. Seuns en dogters is meer die waarheid
In ag genome dat eerstejaars hoofsaaklik nog blote kinders is, wat direk uit hul ouerhuise, universiteit toe gaan, sal ek as ouer, my dood bekommer oor my kind, hetsy dogter of seun, as my kind in ‘n gemengede koshuis moes tuisgaan. In vandag se tyd kan jy niks en niemand meer vertrou nie en as ‘n ouer bekommer ‘n mens jou dag en nag oor jou kind, of hulle nou nog klein is of al groot en getroud. Die blootstelling in so ‘n opset ( gemengde koshuise) is net groter as in ‘n koshuis waar slegs mans of slegs dames woon. Is dit nou regtig nodig en wie gaan verantwoordelikheid vat as daar ‘n insident van verkragting plaasvind? Ja, so iets kan op enige plek gebeur maar die blootstelling is net soveel groter in so ‘n opset. Op alle gebiede word tradisies, normes en waardes afgebreek.
Dit sal nooit werk nie.
En daar sal SASSA aansoekvorms vryelik beskikbaar wees.
Wel dis ‘n manier om te voorsien dat studente wat nie wil studeer nie wel die universiteit verlaat met ‘n P.A. of M.A. graad.
Julle het reeds nie genoeg skole nie … die koshuis gaan ‘n regte broeikas word – dan deel julle seker ekstra “PPE’s” uit, net die kappie verskil…..
‘maar hulle ook op ’n ontwikkelende wêreld moet voorberei”. In Suid Afrika? Watter ontwikkelende wereld? Al wat hier ontwikkel is korrupsie, wanbestuur, plundering en misdaad. Ek gaan saam met Dries popcorn maak.
Die idee klink baie na verandering van straat name. As hulle dit werklik “co-ed” wil maak al wat gedoen moet word is aparte was geriewe en geen onderskeid in kamers. Good luck!
Ons ou koshuis by my alma mater het daardie jare al soos ‘n gemengde koshuis gelyk met die hoeveelheid dames wat hul daar kom tuismaak het. RAUnosterhoringstropery op sy beste… Maties maak dit nou net offisieel.
Wat ‘n “helse” gemors!!
Wie is die persone wat aandring op hierdie idees , is dit vrywillige “integrasie” of word dit afgedwing deur n bewese onbekame onderwysdepartement
Ha Ha hoe lekker lag ek nou. Hulle woon saam,gebruik gesamentlike Toilette, maar hulle gaan nie saam stort nie!
Nou het ek die humor vir die dag gehad dankie
Haha ek lag my ‘n Papie!
Binnekort is hul families wat daar bly, Pappa, Mamma & Baba
Nou daar begin die moeilikheid nou. Ek hoop hulle het baie baba kamers. Alle morele waardes en standaarde is no “gone”
Die nuwe hoender wet, spring spring spring en dan is daar n nuwe tender vir n crech en dumies en geld wat geskenk moet word om hulle groot te kry!