Die Menlyn Park-winkelsentrum in Pretoria. Foto: Skermskoot/Google Maps Street View
Die bestuur van die Menlyn Park-winkelsentrum het onvoorwaardelik om verskoning gevra vir ʼn skrywe wat hy aan sy huurders uitgestuur het waarin aangevoer is dat ʼn MTN-werknemer positief vir Covid-19 getoets het.
“Dit blyk daar is ongelukkig verkeerd daaroor gerapporteer. Ons trek die verklaring onvoorwaardelik terug en vra ons huurder, MTN, om verskoning.”
MTN het Woensdagaand ten sterkste ontken dat ʼn werknemer positief vir Covid-19 getoets het.
“Ons verwerp ten sterkste die onverantwoordelike uitlatings van die winkelsentrum.
“Dit veroorsaak onnodige paniek en angs in ʼn tyd wat die land dit die minste kan bekostig,” het Jacqui O’Sullivan, woordvoerder van MTN, gesê.
Volgens O’Sullivan is die MTN-winkel in die Menlyn Park-winkelsentrum wel vroeër die week gesluit nadat daar besluit is om eerder net uiters versigtig te wees.
“Werknemers was bekommerd dat hulle Maandag kontak gehad het met iemand wat kontak gehad het met ʼn ander persoon wat tekens van griep getoon het.” Die winkel is egter vandag weer oop nadat dit behoorlik gesteriliseer is.
Die bestuur van die Menlyn Park-winkelsentrum het gesê toetse is gedoen en daar is geen bewyse van infeksie by enige individu gevind nie.
“Die bestuur wil graag vir MTN, die selfoonnetwerk se kliënte en klante [in die sentrum] om verskoning vra vir die verkeerde inligting wat versprei is.”
Oops…
Fopnuus oor Covid-19. Dit is nou strafbaar. Gaan klagte gelê word? Saai onnodige paniek.
My seun werk by ‘n ander winkelsentrum, en hulle het hierdie e-pos ontvang. Dit het nogal paniek onder die mense veroorsaak.
Mag daar meer as 100 mense in die sentrum wees ?