Nene bedank as minister van finansies

Nhlanhla Nene (Foto: ANA)

Nhlanhla Nene, minister van finansies, het Dinsdag uit sy amp bedank.

Dit volg ná die presidensie bevestig het pres. Cyril Ramaphosa en Nene het Sondag gesels oor die implikasies van die minister se bekentenisse voor die Staatskapingskommissie. Ramaphosa het sy bedanking aanvaar.

Die voormalige president van die Reserwebank, Tito Mboweni, sal Nene as minister van finansies vervang. Ramaphosa het gesê Mboweni se ervaring sal noodsaaklik wees vir sy administrasie om nog noodsaaklike poste te skep.

Volgens die president het Nene Dinsdagoggend sy bedanking ingedien en hy het dit ná deeglike oorweging aanvaar. Nene was van mening dat onthullings voor die Staatskapingskommissie sal inmeng met sy werk as minister.

Ramaphosa het dit benadruk dat Nene nie by enige oortredings geïmpliseer word nie. “Dit is ʼn teken van sy karakter dat hy voel hy moet eerder bedank.”

Hy het Nene bedank vir sy diens aan Suid-Afrika.

Nene was onder toenemende druk om te bedank weens sy betrokkenheid by die omstrede Gupta-familie. Hy het verlede Vrydag om verskoning gevra dat hy nie vroeër die volledige besonderhede rakende sy vergaderings met die Guptas bekendgemaak het nie en gesê hy besef nou dit werp ʼn skadu oor sy optrede as staatsamptenaar.

Nene het gesê hy is bly daar word ondersoek ingestel na oneerlike optrede deur regeringsamptenare en die uitvoerende hoofde van staatsondernemings onder pres. Jacob Zuma se leierskap, asook dat bewerings rakende sy betrokkenheid hierby ondersoek word.

Maroela Media het vroeër berig die openbare beskermer (OB) het intussen ingestem om ondersoek in te stel of Nene etiese kodes oortree het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

16 Kommentare

jongste oudste gewildste
AW

Die ANC sal na hom omsien !!!

Alida

Jammer daaroor. Dit beklemtoon sy integriteit. JZ het almal vergiftig.

Lynne

Goed So! Net jammer dis nie ‘n kitsoplossing om die Ekonomie weer aan die gang te kry nie…….

Blaarman

Nie die gedrag van ‘n skuldige man nie.

Ek hoop die volle waarheid kom uit.

Paul

Dankie vader ‘n nuwe era, wat finansies aan betref, het aangebreek.