Nog drie leeus se koppe, pote verwyder

WAARSKUWING: Die foto’s onderaan die berig is uiters grafies van aard en kan kinders en sensitiewe lesers ontstel.

Leeus by die Letaba River Lodge buite Tzaneen in Limpopo. Foto SAPD

Leeus by die Letaba River Lodge buite Tzaneen in Limpopo. Foto SAPD

Drie leeus is Woensdag in die vroeë oggendure by ʼn lodge buite Tzaneen in Limpopo doodgemaak en hulle pote en koppe afgesny.

Lt.kol. Moatshe Ngoepe, woordvoerder van die polisie, het gesê ʼn onbekende aantal verdagtes het die leeuhok by die Letaba River Lodge binnegegaan waar hulle die drie mannetjiesleeus doodgemaak het voordat hulle die pote en koppe verwyder het. Ngoepe kon nie bevestig of die leeus vergiftig is nie en het gesê dit sal deel vorm van die ondersoek.

“Die alghele waarde van die leeus is R900 000. Niemand is nog in verband met die voorval in hegtenis geneem nie en die polisie se ondersoek duur voort,” het Ngoepe gesê.

Talle leeus is verlede jaar in Limpopo vergiftig en dele van die karkasse verwyder. Maroela Media het in September 2016 berig altesaam 13 leeus en tiere is binne ʼn maand op plase in die Groblersdal-, Roedtan en Mookgophong-omgewings vergiftig. In Mei is twee wit leeus op ʼn plaas naby Stockpoort in Lephalale (Ellisras) vergiftig voor hulle koppe en pote verwyder is. Enkele dae daarna is nog twee leeus op ʼn wildsplaas naby Bela-Bela vergiftig en geskiet.

Die leeus se liggaamsdele word vermoedelik vir moetie gebruik.

Ngoepe het versoek dat enigiemand met meer inligting oor vandeesweek se voorval buite Tzaneen kol. Jabulani Ngobeni by 082 451 7169 of Crime Stop by 0860 010 111 bel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

12 Kommentare

jongste oudste gewildste
Katryn

Raai raai riepa! Wie het nouweer wat gedoen! Nie rocket signs nie!

Michele

Afskuwelik!

Dion Els

Ek sou wens hulle word gou gekry, en by n hok vol honger leeus ingegooi te word. Hulle verdien dieselfde wrede dood

Carel

Daar sal niks van kom nie soos al die ander sake. Lyk ons moet maar net aanvaar dat als so dood gemaak word.

Rob

Just another day in AFRICA