Nog ʼn skokvonds in weste van Pta

Argieffoto: Nico Strydom

Skaars vier dae nadat ʼn skokkende ontdekking Vrydag in die weste van Pretoria gedoen is, het inligting oor ʼn soortgelyke voorval in die omgewing bekend geword.

Maroela Media het Vrydag berig vullisverwyderaars was besig om vullis uit vullisdromme by ʼn studenteblyplek in Philip Nel-park te laai toe ʼn werker ʼn fetus ontdek het wat in ʼn handdoek toegedraai was. Die bestuurder van die vullistrok en die werkers het die polisie ontbied. Die fetus was tussen ses tot agt maande ver ontwikkel en is op die toneel dood verklaar.

Konst. Mandlakayise Zwane, polisiewoordvoerder, het Dinsdag gesê nóg ʼn fetus is Vrydag omstreeks 10:30 oorkant die Pretoria-Wes-polisiestasie gevind. “Die fetus is deur verbygangers by die Carolina-woonstelblok in ʼn swartsak gevind. Die fetus was vermoedelik drie maande ver in ontwikkeling.”

Zwane het gesê ʼn nadoodse en ʼn geregtelike doodsondersoek word in albei gevalle gedoen. Geen verdagtes is nog geïdentifiseer nie en die ondersoeke duur voort.

“Die polisie rig ʼn streng waarskuwing dat agterstraataborsies onwettig is en wetlik nie toelaatbaar is nie. Vroue met ongewensde swangerskappe word aangemoedig om na hul plaaslike klinieke of hospitale te gaan om wettige aborsies deur professionele personeel binne die bepalings van die wet te laat uitvoer.”

Enigeen met inligting oor albei voorvalle kan die Pretoria-Wes-polisie by 012 386 4163 of Crime Stop by 08600 10111 bel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

29 Kommentare

jongste oudste gewildste
Hans

iewers is daar weer ‘n goedkoop botch aborsie kliniek in ‘n agterstraat….

Yvonne

Die feit dat iemand nog n aborsie oorweeg is skokkend. As jy nie Wil swanger raak nie tref voorsorg. Daar is meer as genoeg produkte op die mark. Ek weet ek gaan seker nou gekruisig word deur sommige maar ek praat nie hier van n verkragting swangerskap of waar ma se lewe ingevaar is of waar die baba n ernstige gebrek gaan he nie. Ek verwys spesifiek na mense wat rondslaap en Dan hul verantwoordelikheid in n swart sak stort.

Amber

Yvonne, ek stem heelhartig met jou saam.

Diana

Wats die verskil tussen onwettig en wetlik nie toelaatbaar?

Pendoring

Maak nie saak hoe onwettig dit is nie, hoe gaan jy dit stop? Voor jy antwoord, dink of jou plan al ooit gewerk het enige plek in die wêreld, dan skryf jy.