Noordwes steeds beroerd meer as jaar ná ingryping

Nkosazana Dlamini-Zuma. Foto: ANA/David Ritchie

Sewentien maande sedert die nasionale regering die administrasie van al elf provinsiale regeringsdepartemente in Noordwes oorgeneem het, is die meeste departemente steeds grotendeels wanfunksioneel. Die provinsiale tesourie is boonop die ergste af.

Dr. Nkosazana Dlamini-Zuma, minister van samewerkende regering en tradisionele sake, het in die parlement ’n vorderingsverslag gelewer oor die nasionale regering se ingryping in die administrasie van Noordwes se provinsiale regering. Sy het die verslag gelewer in antwoord op ’n skriftelike parlementêre vraag deur die DA-LP Cilliers Brink.

Die nasionale regering het ingegryp na aanleiding van die chaos wat die administrasie van oudpremier Supra Mahumapelo, ’n geswore meeloper van oudpres. Jacob Zuma, veroorsaak het.

Volgens Dlamini-Zuma is die meeste van die departemente minder as 50% funksioneel.

Die kantoor van die premier is tans 64% funksioneel, die departement van gesondheid 45%, die departement van onderwys 53%, die departement van gemeenskapsveiligheid en vervoerbestuur 47% en die departement van openbare werke en paaie 56% funksioneel.

Die departement van landbou en landelike ontwikkeling staan op 52% funksionaliteit, die departement van samewerkende regering en tradisionele sake op 49%, die departement van menslike nedersettings op 67%, die departement van maatskaplike ontwikkeling op 50% en die departement van ekonomiese ontwikkeling, omgewing, bewaring en toerisme op 47%. Die provinsiale tesourie is ʼn skamele 28% funksioneel.

Dlamini-Zuma het onderneem om later vandeesmaand ’n meer gedetailleerde vorderingsverslag in die Nasionale Raad van Provinsies ter tafel te lê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
Adam

Geen verrassing. Hoe op aarde kan jy verwag om beter resultate te kry indien die personeel dieselfde bly. Deur die rapporteringsinstansie te verander gaan niks vermag word nie.

Peet

Moet ‘n bordjie opsit by staatshospitale, hierdie fasiliteit is net 45% funksioneel – jou laaste kans om jou testament te verander!

SjN

PUIK advertensie vir die buitelandse beleggers danksy die Anc, geen skaamte.

KrokodilBotha

Daar is nog sommige wat groot drome het en dink hulle is jakkals se stert. Zille moet haar volgeling soontoe vat, laat ons sien of hulle kan toor.

Lewis

Dit is duidelik dat die span wat ingegryp het nie weet wat hulle moet doen nie. In hierdie land moet ons die mense wat individue aanstel EN DIT BEKRAGTIG ook aan die pen laat ry. 17 Maande van die belastingbetalers se geld vermors. ‘N NUWE GESINDHEID: “BETAAL – DIE – GELD – TERUG – AS – JY – SKULDIG – IS – BY – DIE – AANSTELLING – VAN – ONBEKWAMES. Hoe gaan jy mense op ‘n ander manier mense ‘n les leer. Hierdie beginsel moet in alle sektore toegepas word. Hou die aanstellers verantwoordelikheid!!!