Die “profeet” Shepherd Bushiri. Foti: Facebook
Die omstrede pastoor Shepherd Bushiri van die Enlightened Christian Gathering-kerk (ECG) het hom Dinsdag aan die Valke oorgegee kort nadat sy vrou in hegtenis geneem is.
Kol. Katlego Mogale, woordvoerder van die Valke, sê Mary Bushiri is vanoggend by die egpaar se huis in hegtenis geneem.
Hoewel Shepherd aanvanklik inhegtenisneming probeer ontduik het, het hy hom later, vergesel deur prokureurs, by die Silverton-polisiestasie oorgegee.
Die ECG sê egter in ’n verklaring die Valke het die pastoor en sy vrou Maandagmiddag versoek om Dinsdag omstreeks 11:00 saam met hul prokureurs by die Valke se kantoor aan te meld om ’n aangeleentheid te bespreek rakende ’n belegging wat op ’n maatskappy genaamd Rising Estate betrekking het.
Shepherd Bushiri en sy vrou Mary. Foto: Dimpho Maja/African News Agency (ANA)
“Ons is meegedeel dat die Valke voor die afspraak na die profeet se huis gegaan het en net sy vrou in hegtenis geneem het,” lui die verklaring.
Volgens Mogale word die Bushiri-egpaar saam met ’n ander egpaar van betrokkenheid by bedrog en geldwassery ten bedrae van R102 miljoen beskuldig.
Dié egpaar, Willah en Zethu Mudolo, is reeds oor die naweek in hegtenis geneem en het sedertdien in die Pretoriase landdroshof verskyn. Die saak is tot 30 Oktober uitgestel vir ʼn formele borgtogaansoek.
Pastoor jakkals en sy vrou Mary- jakkals
Ag, so lekker om so grênd te wees met ander se geldjies!!!
En dan volg die mense hom nog slaafs na, ai die selfgemaakte Profete tog. So bly om te sien die wiel begin stadig maar seker draai.
Die “Profeet” het nie hierdie sien kom nie.
Wonder of hulle regtig weet wat ‘n Profeet is!