Oos-Kaapse polisiespeurders soek tans na ʼn vrou van Kariega (Uitenhage) nadat sy Woensdag buite haar huis in Moselweg ontvoer is.
Daar word ook na vier mans gesoek nadat hulle vroegoggend met Sonam Gajjar (34) in ʼn wit Hyundai op die vlug geslaan het.
Gajjar is glo die vrou van ’n plaaslike sakeman in Kariega en die ma van twee kinders.
Kol. Priscilla Naidu, woordvoerder van die polisie, sê Gajjar het omstreeks 07:50 uit die gesin se erf gery en gewag vir die hek om agter haar toe te gaan toe sy deur vier mans oorval is.
Gajjar se motorvenster is aan die bestuurderkant stukkend geslaan voordat sy uit haar motor gesleep en in die wit Hyundai geboender is.
“Die voertuig het in die rigting van Motherwell weggejaag,” sê Naidu.
ʼn Saak van ontvoering is intussen aanhangig gemaak en daar word na Gajjar en die vier mans gesoek.
Die polisie doen nou ʼn beroep op die publiek om enige moontlike inligting, “maak nie saak hoe gering nie”, by speursers. Ricardo January by 072 217 5772 aan te meld of die StopMisdaad-nommer by 08600 10111 te skakel.
ruik n rot!!!
Dit gaan net erger en erger raak . Diegene wat spesefiek geteiken word moet saamstaan en lospryse op die gemors se koppe sit.
Marous, Ek stem sit n prys op hulle koppe en se “Dead or Alive”
Begin die ondersoek van eggenoot en naasbestaandes. 90% van skuldiges word daar gevind
Verklaar die skuldiges en die wat betrokke is by die ontvoering voelvry
Sterkte aan die Familie en Vriende, Ek hoop van harte hulle “verniel” haar nie en dat sy veilig terug besorg sal word.
Die nuwe Haiti is hier, dis mos vinnig en maklik om so geld te maak met n losprys. SA is nou die paradys vir kriminele, niks gebeur mos met hulle nie en die regstelsel beskerm hulle. Mense wat n eie onderneming het, wees maar versigtig.