(Foto: SA Polisie)
Die onafhanklike polisieondersoek-direktoraat (Opod) ondersoek die omstandighede waartydens ʼn inwoner Woensdag in Lusikisiki in die Oos-Kaap dood is.
“Na bewering het twee polisiebeamptes skote met hul dienspistole afgevuur toe hulle ʼn verdagte teëgekom het wat hulle met klippe bestook en met ʼn mes bestorm het,” het Ndileka Cola, woordvoerder van Opod, gesê.
Die man het glo vroeër sy vrou met ʼn mes doodgesteek en toe weggehardloop. “Beamptes van die Lusikisiki-honde-eenheid en onlustebeheer het op die voorval reageer.”
ʼn Polisiehond het die beamptes gelei tot waar die man onder ʼn oorhang weggekruip het. “Hy was met groot rotse omring en daar was slegs een ingangspunt. Die beamptes kon nie weghardloop nie, omdat hulle hul eie lewe in gevaar sou stel oor die terrein. Hulle het geen ander keuse gehad as om hulself te verdedig nie,” het Cola bygevoeg.
ʼn Nadoodse ondersoek is Donderdag gedoen. Opod se ondersoekbeampte het die ondersoek bygewoon en die ondersoek duur voort.
Hul hoof hoed het hulle beveel om dood te skiet . Geen hof kan dit oorheers nie . Punt .
Regtig? Misdadiger was bewapen met ‘n mes! Polisie met gewere en hulle het gevrees vir hulle lewens en kon niks anders doen as om te skiet!
As dit ‘n boer was wat in ‘n geweerloop vasgekyk het was hy aangekla vir moord!