Ou SA vlag dalk gou haatspraak

Die ou Suid-Afrikaanse vlag

Die Nelson Mandela-stigting het die gelykheidshof versoek om die tentoonstelling van die ou Suid-Afrikaanse vlag as  haatspraak, onregverdige diskriminasie en teistering te verklaar.

Die stigting het in ʼn verklaring gesê die besluit om die aansoek in te dien, volg ná jare lange openbare tentoonstelling van die vlag en in die hoop dat dit stopgesit sal word. “Hierdie tentoonstelling onderstreep die pyn van miljoene swart Suid-Afrikaners wat onder apartheid gely het, en steeds onder die nalatenskap daarvan swaarkry.”

Volgens die stigting is die ou vlag tydens die “Swart Maandag”-optogte in Oktober verlede jaar ten toon gestel. Dit het hulle finaal laat besluit om op te tree. Die stigting het ná afloop van uitgebreide beraadslaging en besinning die vraag gestel: “Is dit tyd om die tentoonstelling van die ou vlag strafregtelik te maak?”

Die stigting sê dit het in openbare debatte met onder andere die burgerregte-organisasie AfriForum duidelik geword dat sommige Suid-Afrikaners nie besef apartheid was ʼn misdaad teen die mensdom nie (soos verklaar deur die Verenigde Nasies in 1973), en dat die sinnelose tentoonstelling van die ou vlag ʼn viering van daardie misdaad en ʼn vernedering vir die slagoffers daarvan is.

Volgens die stigting het AfriForum in die debatte toegegee dat die tentoonstelling van die ou vlag “nie wys” is nie aangesien “dit sommige mense beledig”. AfriForum het egter aangevoer die vlag moenie verbied word nie aangesien dit deel van die geskiedenis is. ʼn Mens kan immers nie die geskiedenis verbied nie.

Die stigting sê hy het ʼn groot waardering vir die belang van die geskiedenis en die herinneringe daaraan (veral in ʼn land wat steeds genees), sowel as die reg op vryheid van uitdrukking wat in die Grondwet verskans word.

“Die stigting is trouens tot stand gebring met die visie dat ʼn samelewing ‘sy verlede onthou’ en ‘luister na al sy stemme’, maar ook ‘maatskaplike geregtigheid nastreef’. Die ou vlag is onmiskenbaar deel van ons geskiedenis, maar dit is waar dit hoort: in museums, dokumentêre en kreatiewe kataris-werke.”

Die stigting sê die sinnelose tentoonstelling van die ou vlag, wat geen werklike joernalistieke, artistieke of akademiese doel in openbare belang dien nie, het nie ten doel om ons pynlike verlede te onthou nie maar eerder om daarvan te vergeet.

“Dit dra niks by om maatskaplike geregtigheid, nasionale eenheid en menswaardigheid te bevorder nie – eerder die teenoorgestelde. Dit kan nie deur ons Grondwet beskerm of verdedig word in die naam van verdraagsaamheid en versoening nie, juis aangesien dit ʼn totale verwerping van verdraagsaamheid, versoening en al die waardes onderliggend aan die Grondwet toon.”

Volgens die stigting gebruik hy die reg om die sinnelose tentoonstelling van apartheidsimbole te ontmoedig en nie om dit strafbaar te maak nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

83 Kommentare

jongste oudste gewildste
Steve Hofmeyr

Kreatiewe katarsis. Absoluut. Wat anders?

Andre

Alles wat die regering doen en hulle wette is op ras gebasseer. As daar SA eenheid oor rasgrense is sal die ANC geen houvas he met verkiesings nie.

What ever

Dit is wat mens kleinlik noem. Diegene wat so kla en mirmereer oor die vlag het nog nie vrede gemaak met hulself nie. Dit is ook sekerlik tyd dat hulle bykom in die lewe.

SELEKTIEF

DAREM VREEMD HOE SELEKTIEF DIE regering en al die so called anti diskriminasie en anti rassisme organisasies te werk gaan? REGTIG? Die vlag is NIE ‘n simbool van apartheid nie alhoewel ek sien baie van die jongetjies van 23 en so aan dink so. SHAME, die vlag het NIKS met apartheid te doen nie, en dit was ook nie INGESTEL om apartheid of haatspraak te verteenwoordig nie. VREEMD dat JULIUS MALEMA en sy EFF trawante se plakkate waarop haatspraak DUIDELIK voorkom naamlik KILL THE WHITE, KILL THE BOER, ONE SETTLER ONE BULLET< KILL ONE BOEREKIND .. steeds nie as haatspraak… Lees meer »

Lynette

Na my mening ly die mense vandag agv die zuma ANC nalatenskap.