Ouma, kleindogter deur boerboel aangeval

Wonde wat die 61-jarige vrou opgedoen het (Foto: Verskaf)

ʼn 61-jarige vrou en haar vierjarige kleindogter van Ottawa in KwaZulu-Natal word vir bytwonde behandel nadat hulle glo Vrydag deur ʼn boerboel aangeval is.

Die gemeenskapspolisiëringsforum Reaction Unit South Africa is glo Vrydagmiddag na die 61-jarige vrou se huis ontbied.

Nooddienspersoneel verbonde aan dié forum het die vrou en haar kleindogter met hul aankoms by die toneel vir verskeie wonde behandel en die twee toe na die hospitaal vervoer.

Prem Balram, woordvoerder van Reaction Unit South Africa, sê die vrou en haar dogter het glo na ʼn snoepwinkel oorkant hul huis gestap om ʼn brood te gaan koop toe die boerboel uit een van die erwe in die omgewing losgekom het.

Dit is onduidelik of die boerboel aan die eienaars van die snoepwinkel behoort.

“Die boerboel het glo van sy ketting losgebreek en die kind aangeval,” sê Balram. “Die ouma het die hond weggeruk in ʼn poging om die kind te beskerm en is ook aangeval.”

Sowel die ouma as die kleindogter se lewe is nie in gevaar nie. Hulle is volgens berigte reeds uit die hospitaal ontslaan.

Wonde wat die 61-jarige vrou opgedoen het (Foto: Verskaf)

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

25 Kommentare

jongste oudste gewildste
Elria Jordaan

Ouma jy is n heldin jy verdien n medalje. Hoop jy en jou klein dogter word gou gesond. Maar die mense van dai hond moet betaal. Bid vir julle na die trauma.

PJC

Wanneer mense nie behoorlik na hulle kwaai honde kan omsien nie moet die diere weg gevat word by hulle. ń Groot kwaai hond moet soos ń vuurwapen verantwoordelik na omgesien word.

Alida

Pragtige honde maar dodelik gevaarlik.

Verstom

Hoe verskriklik is dit nie en moes dit nie gewees het nie. So jammer dat gevaarlike honde nie eerste hulle eienaars byt nie. Moet tog nou net nie weer met die veiligheid storie begin nie. Daar is ander maniere om jouself te beveilig as met ‘n mensvreter hond.

LOL

Ketting die verdomde eienaar!!!! Dis teen die wet om n dier te ketting juis omdat dit aggressie kweek. Sterkte aan die slagoffers.