Parlement tik Malema oor die vingers

EFF-leier Julius Malema (Foto: Oupa Mokoena/African News Agency)

Die parlement het LP’s Maandag afgeraai om openbare dreigemente oor die ontwrigting van die parlement te maak.

Speaker Thandi Modise en voorsitter van die nasionale raad van provinsies Amos Masondo het gereageer op onlangse dreigemente wat die leier van die EFF, Julius Malema, gemaak het.

Malema het verlede week gedreig dat EFF-LP’s vanjaar se staatsrede in Februarie sal ontwrig indien pres. Cyril Ramaphosa nie vir Pravin Gordhan, minister van openbare ondernemings, die trekpas gee nie.

Dit is nie die eerste keer wat die EFF dreig om een van Ramaphosa se toesprake in die wiele te ry nie. Die dreigemente is egter nog nooit deurgevoer nie.

Modise en Masondo meen Malema se jongste dreigemente was onverantwoordelik en toon ’n gebrek aan begrip vir sy verantwoordelikheid teenoor die publiek.

“Alhoewel die voorsittende beamptes geen slaap sal verloor oor hierdie dreigemente nie, vind hulle dit afkeurenswaardig in die aanloop tot een van die belangrikste parlementêre programme. Dit is ’n onnodige afleiding van die instelling se verpligtinge teenoor Suid-Afrikaners,” sê dié hoës.

Luidens hul reaksie is daar wel voorsorgmaatreëls getref sou enigiemand die parlement wou ontwrig.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

24 Kommentare

jongste oudste gewildste
Merrie Perd

Pragtige gesindheid van samewerkende regering deur die eff se leier geopenbaar. Hoe verwag die arme man om eendag te regeer? Wie sal hom ondersteun? Hy moet saam met sy party verban word uit alle politiek, want hulle is net kwaadstokers en sensasie soekers. Van regeer weet hulle niks.

JohanR

Die kindjie se speelgoed vlieg met geweld die wiegie uit, en hy skree die dak af. Gee hom ‘n glas Chivas Regal sodat hy kan stilbly.

skurweberg

Die wat die kwaad teehou moet eers uit die weg geruim word. Dan sal die groot afval kom.

Johan Venter

Daar moet sekerlik wetgewing wees dat as ‘n mens die president van ‘n land dreig en dit was nie eens in die parlement waar hy beskerming het nie, dat hy in die hof daarvoor verantwoording moet doen!

Rooiduin

Dis mos hoe die ANC hom grootgemaak het; as jy intelektueel nie instaat is om ‘n bydrae te maak nie, dan ontwrig, brand en breek jy dit af