Plaasaanval: Boer gewond, verdagte doodgeskiet

Argieffoto

Argieffoto

‘n 47-jarige boer van Reitz in die Vrystaat is deur drie gewapende mans oorval en geskiet op sy plaas in die Daniëlsrus-omgewing.

Sers. Mmako Mophiring, woordvoerder van die polisie, sê Andre van Greunen is omstreeks 15:00 Sondagmiddag deur drie verdagtes in sy plaashuis aangeval. “Hulle het op hom losgebrand en hom in die maag en regterelmboog geskiet.”

Mophiring sê Van Greunen het egter teruggeskiet en een van die verdagtes in sy bobeen geskiet. Die polisie en paramedici is na die toneel ontbied.

Die verdagte is deur paramedici op die toneel dood verklaar. Van Greunen is ernstig beseer en na ‘n hospitaal gehaas vir mediese behandeling.

Die ander twee verdagtes kon daarin slaag om te vlug. Die polisie ondersoek sake van moord en poging tot moord.

Intussen is ‘n bejaarde broer en suster ook Sondag by hul in Reitz aangeval. Die suster is oorlede. Mophiring het aan Maroeal Media gesê die polisie ondersoek ‘n moontlike verband tussen die twee voorvalle.

Lees ook:
Reitz-aanval: Suster (83) sterf, broer (86) beseer

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
sune

Dink baie aan die 2 gesinne ! Dis dam verskriklik !!!

monika

Wat ek nie kan verstaan ,waarom val hulle die boere aan? Wat is die agenda agter alles! Wie gaan kos vervaardig as al die boere se genoeg is genoeg. Wie betaal dan.(seker maar die wat tax betaal)

Dewald Matthysen

Die lafaards sal altyd ons mense op Sondagmiddae aanval wanneer mense op hulle weerbaarste is.

Rika

Ag Here wees ons asb genadig. Help ons volk om na U toe terug te keer. Genees asb ons land Heer ek vra dit in Jesus se wonderlike Naam. Amen.

rienie

Grootste klomp lafaards, val oumense aan wat weerloos is. Ons kan net bid vir ons land.