Uzzi, ʼn patrolliehond verbonde aan die polisie se honde-eenheid in Gqeberha (Port Elizabeth), is veilig tuis nadat hy Dinsdag in die vroeë oggendure spoorloos verdwyn het.
Kapt. Sandra Janse van Rensburg, polisiewoordvoerder, sê Uzzi en sy hanteerder, konst. Angelo Windvogel, was omstreeks 01:00 op patrollie en het onder meer ʼn kragsentrale tussen Gelvendale en Algoapark besoek.
Windvogel het twee verdagtes gesien wat kabels steel en het Uzzi ingespan in ʼn poging om hulle aan te keer. Die twee boewe het laat spaander, met Uzzi agterna.
“Die verdagtes is nie aangekeer nie en Uzzi het nooit na sy hanteerder teruggekeer nie,” sê Janse van Rensburg.
Nadat die polisie ʼn beroep op inwoners gedoen het om na Uzzi, ʼn Belgiese Malinois, te help soek, het iemand vanoggend omstreeks 08:00 die 10111-noodnommer gebel om aan te meld dat hy Uzzi in die omgewing van Ferguson gevind het.
“Uzzi is ongedeerd en veilig,” sê Janse van Rensburg.
Dit is nie duidelik waar die hond hom bevind het nadat hy verdwyn het nie.
So bly hy is veilig gevind. ‘n Pragtige dier.
Jammer die skurke het weggekom.
Wat ‘n pragtige dier! Is dankbaar dat hy veilig is.
So bly hy is veilig.
Ag siestog hy was vasberade om hulle te vang.
Sò bly jy is veilig en trug by jou hanteerder, dierbare Uzzi
Pragtige hond. Bly hy is veilig
Dalk n halsband met n “tracker” aan die hond se nek sit ??
Ek sou gedink het dat hierdie honde ‘gechip’ is?
n chip gaan nie vir jou se waar die dier is nie. Die veearts skandeer die chip om die eienaar se info te kry en ja hulle word gechip en hulle het ook polisie range, en ontvang n maadelikse salaris.
Pompies. Waaaaaaar op dees aarde kom jy daaraan dat hulle range het en ñ salaris ontvang? In my 36jaar loopbaan is dit die eerste vir my. Lol.