Foto ter illustrasie. (Foto: SA Post Office/Twitter)
ʼn 55-jarige poskantoorbestuurder en twee van sy vermeende makkers is Saterdag in hegtenis geneem nadat hulle glo ʼn poskantoor in Pietermaritzburg, KwaZulu-Natal, besteel het.
Kapt. Simphiwe Mhlongo, woordvoerder van die Valke, sê die bestuurder het na bewering Donderdagmiddag die poskantoor op Mayors Walkweg gesluit en die volgende oggend die poskantoor se veiligheidskamerdeur oop aangetref.
“Geld is uit die kamer gesteel en ʼn saak is kort daarna by die Prestbury-polisiestasie aanhangig gemaak. Die saak is daarna aan die Valke oorhandig.”
Beamptes het Saterdag die bestuurder se huis deursoek en kontant gevind wat glo uit die poskantoor gesteel is.
“Ná verdere ondersoek is nog twee verdagtes opgespoor en kontant is ook in hul besit gevind. Die bestuurder en die twee verdagtes is in hegtenis geneem op aanklag van diefstal.”
Die drie mans sal na verwagting Maandag in die Pietermaritzburg-landdroshof verskyn.
Dis reg, pos hom!
lol skerp koos
Waarheen ?.
Wys net hoe slim deesdae se bankbetuurders is, om die geld by die huis te hou.
Banke en poskantore is nie dieselfde nie.