Premier se konvooi ry voetganger dood

Argieffoto

ʼn Voetganger is Donderdagoggend deur die konvooi van Mpumalanga se premier, David Mabuza, doodgery.

Zibonele Mncwango, Mabuza se woordvoerder, het gesê die voorval het gebeur toe die man die N4-snelweg by Croc Valley in die rigting van Karino in Mbombela (Nelspruit) wou oorsteek.

“Een van die konvooivoertuie wat deur ʼn beampte van die Suid-Afrikaanse Polisiediens bestuur is, het die man getref,” het Mncwango gesê.

Volgens Mncwango was Mabuza op pad na die lughawe om ʼn vlug te haal om ʼn gedenkdiens by te woon van die 20 mense, onder wie 18 skoolkinders, wat twee weke gelede op die R25 buite Bronkhorstspruit in ʼn ongeluk dood is.

Mabuza het sy meegevoel met die man se familie betuig. Hy sal binnekort ʼn besoek aan die man se familie bring om sy meegevoel oor te dra.

Die polisie ondersoek die voorval.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

27 Kommentare

jongste oudste gewildste
Eps

As dit ‘n witmens is wat ‘n swarte omry dan is dit moord.

Lizanne

En soos alle vorige gevalle sal hulle daarmee wegkom indien hulle skuldig is.

Thea

Ja nee hier gaan niks van kom nie maar as dit nou ‘n blanke was wat ‘n nie blanke doodgery het was dit op al die koerante se voorblaaie en vir dae op sosiale media

pieter

Wonder of hulle ook nou plekke gaan brand en verwoes.ai maar vergeet dit was nie wittes of boere nie maar die Premier.

cor

Daar sal niks van kom nie dit sal ook nie ontaard in n Colony sirkus nie. Hierdie bloulig brigade maak net wat hulle wil op die paaie. Die familie sal n begrafnis gegee word , bietjie kruideniersware en n paar rand in die hand gestop word sodat hulle nie gaan kla nie. Afrika style.