Ramaphosa getuig binnekort voor Zondo

Pres. Cyril Ramaphosa tydens die lewering van sy staatsrede. (Foto: Elmond Jiyane/GCIS)

Pres. Cyril Ramaphosa sal in April voor die Zondo-kommissie van ondersoek na staatskaping verskyn om mondelinge getuienis te lewer.

Die presidensie het in ʼn verklaring bevestig dat Ramaphosa op 22 en 23 April asook op 28 en 29 April voor die kommissie sal verskyn. Ramaphosa het telkens in die openbaar verklaar dat hy bereid is om voor die kommissie te getuig.

Ramaphosa sal veral vrae moet beantwoord oor wat hy as adjunkpresident van die ANC en adjunkpresident van die land tydens die Zuma-bewind oor staatskaping geweet en nié geweet het nie.

Die ANC sal as regerende party ook voor die kommissie moet verskyn, om dieselfde redes.

Die burgerregteorganisasie AfriForum het Maandag ’n formele aansoek by die Zondo-kommissie oor staatskaping ingedien waarin hulle vra dat Ramaphosa gedagvaar word om voor die kommissie te verskyn.

AfriForum het spesifiek gevra dat Ramaphosa oor die ANC se kaderontplooiingsbeleid ondervra word en versoek ook dat dié organisasie die geleentheid gegun word om voorleggings in dié verband aan die kommissie te lewer en self ook die president te kruisondervra. Volgens AfriForum is die ANC se kaderontplooiingsbeleid waarskynlik die grootste bydraende faktor tot korrupsie en staatskaping.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
Johann

Getuig? Ramaposa? Die ANC? Ja shure…seker weer n AFRIKA weergawe van die waarheid. WASSI ONSI…EES HELLA GAWEEJS

MakersMark

Ek dink hy is veilig want in die 10 jaar wat hy Zuma se VP was het hy natuurlik geen idee gehad van die skelm streke wat om hom aangaan nie. Gelukkig vir hom.

Persheks Adri

Kom ons kyk of Cyril die balls het om te gaan klik die ware weergawe is wat ons soek, maar ek twyfel…

RS

Verskyn maar net en alles sal niksseggend wees. Alles net oe verblindery wees.

absoluutgatvol

kry die popcorn reg maats…