Ramaphosa spreek nasie Sondagaand toe

Pres. Cyril Ramaphosa (Foto: PresidencyZA/Twitter)

Pres. Cyril Ramaphosa sal Suid-Afrikaners na verwagting Sondag teen 20:00 toespreek oor die land se reaksie op die Covid-19-pandemie.

Dít nadat dit Saterdag bekend geword het dat die sogenaamde Delta-variant nou ook in Suid-Afrika kop uitgesteek het en tans die land se Covid-19-infeksies oorheers.

Phumla Williams, direkteur-generaal van die regering se kommunikasie-en-​​inligtingstelsel, sê die nasionale gesamentlike operasionele en intelligensiestruktuur (Natjoints) sal vanmiddag byeenkom om aanbevelings rakende die land se reaksie op die Delta-variant sowel as die toename in Covid-19-gevalle te maak.

Die nasionale koronavirusbevelsraad (NCCC) sal dan Sondag vergader gevolg deur ’n vergadering deur die presidensiële koördineringsraad (PCC). ’n Spesiale kabinetsvergadering sal gevolglik plaasvind voordat die president die land na verwagting Sondagaand sal toespreek.

Die moontlikheid bestaan dat strenger afsonderingsregulasies aangekondig kan word om die derde vlaag Covid-19-infeksies te stuit. Gauteng is tans aan die voorpunt van die Covid-19-pandemie in die land met ’n skerp toename in Covid-19-gevalle in elke streek van dié provinsie.

Maroela Media het vroeër vandag berig die Delta-variant is die aansteeklikste van al die bestaande variante. Dit sluit in die Beta-variant van die koronavirus wat vroeër op tuisbodem aangeteken is.

Deel van: SA-nuus

Koronanuusbrief

Wil jy op hoogte bly van alle nuus oor Covid-19 op Maroela Media? Teken in op die nuusbrief.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

31 Kommentare

jongste oudste gewildste
Blomme

Dit is komměrwekkend. Is die landgrense dan oop vir al die lande.. Hoe het Delta hier beland uit Indië?

Strandloper

Too little to late!

Joe Olivier

Niks is so erg soos die anc virus nie.

Botterblommetjie

Dit was nou n raak voorspelling… From immediate effect… Nou moet ons maar bid dat daar n verstandige geballanseerde besluit is…

casper

Nou gaat hy maar net weer “my felow saffricans” en “togedder we wills” ne !!!