Ramptoestand toe wél verleng

Minister Nkosazana Dlamini-Zuma. (Foto: Jairus Mmutle/GCIS)

Nkosazana Dlamini-Zuma, minister van samewerkende regering en tradisionele sake, het Vrydag in die Staatskoerant bevestig dat die ramptoestand in Suid-Afrika tot 15 Februarie 2022 verleng word.

Dié besluit is glo geneem as gevolg van ʼn behoefte om bestaande wetgewing verder te versterk, asook die regering se gebeurlikheidsmaatreëls teen Covid-19.

Die opheffing van die ramptoestand, wat nou reeds 670 dae duur, is die afgelope paar maande deur verskeie organisasies en politieke partye bepleit, onder meer omdat dit die ekonomie ondermyn en nie meer benodig word om die virus te bestuur nie.

Boonop is hospitaalsyfers weens Covid-19 nou landwyd laag en die immuniteitskoers hoog – weens inenting of vorige infeksie. Hoewel die getal gevalle en die positiwiteitskoers hoër was as tydens die tweede en derde vlaag, is sterftes ook nou betreklik laag.

Die Omikron-variant is verder ook nie so ernstig soos die Delta-variant wat die derde virusvlaag aangedryf het nie.

John Steenhuisen, leier van die DA, het vroeër vandeesweek gesê die ramptoestand ondermyn maatskaplike, ekonomiese en demokratiese herstel.

Alan Winde, die Wes-Kaapse premier, het ook vandeesweek versoek dat die ramptoestand opgehef word. Hy meen die regering het oorgenoeg tyd gehad om alternatiewe bestuurstelsels, afgesien van ʼn ramptoestand, in werking te stel.

Winde sê die fokus moet nou op werkskepping toegespits word, aangesien duisende werkgeleenthede weens die pandemie verlore gegaan het.

Die Instituut vir Rasseverhoudinge (IRV) het reeds in November verlede jaar gesê dat die regering se besluit om die ramptoestand tot 15 Januarie te verleng “skadelik en strydig met feite” is en op magsmisbruik deur die regering neerkom. IRV het ook daarop aangedring dat die nasionale Covid-19-bevelsraad saam met die ramptoestand ontbind word en het ʼn petisie daaroor van stapel gestuur.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

Het jy iets op die hart? Maroela Media se kommentaarfunksie word ongelukkig tydelik gesluit van Vrydagaand om 19:30 tot Maandagoggend om 06:00. Kom kuier gerus dan weer!

Nuuswenke kan deur hierdie vorm gestuur word.

42 Kommentare

jongste oudste gewildste
Peter Pan

LOL!!

Carel

Isch !
Julle verstaan nie; ons wil verder vreet in die korrupte Tender-Trog.

Die ramp toestand is enige Afrikaan se droom . . . ‘n utopia waar die Command Council absolute MAG het. Afrikane hou nie van daarvan om MAG te oorhandig nie.

Hennie

Moet nou tog nie sê jy het gedink hulle sal dit ophef nie. Geen manier hoe hulle hierdie”mag” wat hulle het net so sal laat gaan nie.

Anel

Die ding met die kopdoek en kie, wst se bewyse is daar vir die verlenginig? Dit is absolute beheer. Ons is in ‘n komunistiese stelsel gedompel sonder dat iemand iets daarteen gesê of gedoen het!!!

Hennie

Tyd om te rebelleer….