Regering weer gekeer om geld vir Kuba te gee

(Foto: Yamil LAGE/AFP)

Die Pretoriase hooggeregshof het Dinsdagoggend die regering se aansoek om verlof tot appèl teen ’n interdik wat hom verbied om R50 miljoen aan Kuba te skenk, van die hand gewys.

Die burgerregteorganisasie AfriForum het regter Brenda Neukircher se oorspronklike uitspraak verdedig en die aansoek teengestaan op grond daarvan dat die dringende interdik op ’n tydelike grondslag toegestaan is hangende die uitslag van die latere hersieningsaansoek.

“Ons is bly dat die hof die interdik bekragtig het, aangesien dit eenvoudig onaanvaarbaar, irrasioneel en onwettig is vir die regering om geld te verkwis wat gebruik kan word om die magdom probleme in hierdie land op te los,” sê Reiner Duvenage, AfriForum se veldtogbeampte vir strategie en inhoud.

“Tog blyk die regering so desperaat om die broodnodige geld aan Kuba te skenk dat hy ook aansoeke om verlof tot appèl by die Hoogste Hof van Appèl en die Konstitusionele Hof ingedien het.”

Die aansoeke moet nog aangehoor word.

Duvenage sê vandag se uitspraak versterk egter AfriForum se optimisme dat die interdik ook in die hoër howe bekragtig sal word en dat die organisasie sal slaag met sy hersieningsaansoek om die skenking om te keer.

Die departement van internasionale betrekkinge en samewerking (Dirco) het vroeër onderneem om miljoene aan Kuba te skenk in ’n poging om die voedseltekort in dié land te help verlig. Dié aankondiging is egter wyd gekritiseer, gegewe die stygende werkloosheidsyfer en armoede in Suid-Afrika.

AfriForum het die skenking as “irrasioneel en onwettig” beskou en hom toe tot die hof gewend om die skenking te verhoed.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

28 Kommentare

jongste oudste gewildste
Swerwer

Blyk dat die ANC/EFF kader nog steeds nie besef dat ons land bankrot is nie. Met
R50 miljoen kan daar baie verrig word in ons stukkende bankrot land.

Annamarie

Charity begins at home, of hoe ????

casper

Na 25 jaar betaal hulle nog Angola skuld terug —

KaRoOkWaGgA

Is dit nie dalk ‘n skuld delging i.p.v. ‘n skenking wat die diktators moet terugbetaal aan Kuba nie? Ek is baie dankbaar dat die hof die appel van die hand gewys het. Dis nou regtig tyd dat die ANC skip finaal sink. Dis tyd dat die land op so ‘n manier regeer word dat daar nie plek vir korrupsie, plundery staatskaping en watter ander stokperdjies die drakoniese regering tans uitoefen, is nie.

Dup

Die ANC kaders en meelopers lewe in weelde terwyl miljoene werklose mense in SA onder die broodlyn moet oorleef.So word geld links en regs verkwis asof SA geen ekonomiese krisis beleef nie!