Rian groet dalk nié

Rian van Heerden (Foto: Facebook via Rian van Heerden)

Die omstrede JacarandaFM-omroeper Rian van Heerden het Donderdagoggend gesê hy gaan moontlik nié dié radiostasie verlaat nie.

Van Heerden het in Julie verlede jaar gesê hy gaan einde 2016 die stasie as die aanbieder van die Complimentary Breakfast-program verlaat.

Die stasie het egter einde verlede jaar in ʼn verklaring aangekondig dat hy nog vir ʼn rukkie as omroeper gaan aanbly om ʼn rits projekte te voltooi.

Nadat Gavin Meiring, JacarandaFM se programbestuurder, Van Heerden Donderdagoggend direk gevra het of hy nie eerder die besluit om die leisels oor te gee wil heroorweeg nie, is die stasie oorval met versoeke van luisteraars dat hy by die stasie moet aanbly.

JacarandaFM het in ʼn verklaring gesê dié oorweldigende reaksie deur luisteraars het hom nou besluiteloos gelaat en hy oorweeg om sy bedanking terug te trek.

Van Heerden sal na verwagting Vrydag tydens die Complimentary Breakfast-program aankondig of hy wel by die radiostasie gaan aanbly.

Luister hier na ʼn klankgreep.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

85 Kommentare

jongste oudste gewildste
Lucas

Bly asb by Jakaranda Riaan anders kry jy dalk pos by stasie waarna ons nou luister en moet ons weer skuif!!!

Rin

Daar is regtig net mooi niemand so entertaining soos Rian nie. ASSEBLIEF bly

Rin

Daar is regtig net mooi niemand so entertaining soos Rian nie. ASSEBLIEF bly

Tharina

MAL oor Rian! Bly asseblief!!!

Wim

Ek het nou weer gehoop om weer te begin radio jacaranda luister..