Emer-G-Med ambulansdienste het gesê paramedici is omstreeks 14:30 na die toneel ontbied. Volgens die nooddienste was die verdagtes glo betrokke by ʼn gewapende huisroof en hulle het in die slagoffer se motor gevlug. Die polisie het die motor deur middel van ʼn opsporingstoestel gevind en agternagesit.
Volgens Emer-G-Med het die verdagtes op die polisiebeamptes losgebrand en die polisie het teruggeskiet. Een verdagte is ernstig gewond terwyl die ander twee minder ernstige beserings opgedoen het.
Die verdagtes is op die toneel gestabiliseer voordat hulle onder polisiebewaking na ʼn hospitaal geneem is.
Kapt. Tsekiso Mofokeng, woordvoerder van die polisie, het ʼn skietvoorval by die Grayston-afrit bevestig, maar kon nie dadelik meer inligting bekendmaak nie. Maroela Media wag op verdere kommentaar van die polisie.
Mooi werk kerels!