’n Oos-Kaapse polisiebeampte is Saterdag in die vroeë oggendure deur gewapende verdagtes uit ’n polisievoertuig geboender voordat die verdagtes met die staatsvoertuig weggejaag het.
Die polisievoertuig is intussen verlate in ’n nabygeleë beboste gebied gevind.
Brig. Tembinkosi Kinana, polisiewoordvoerder, sê ’n polisiebeampte aan diens het op ’n klag van verkragting gereageer. Op pad terug van die hospitaal waar hy die verkragtingslagoffer gaan aflaai het, het twee verdagtes hom omstreeks 01:00 in die omgewing van Engcobo voorgekeer.
Die verdagtes het vuurwapens op die polisiebeampte gerig en hom uit die polisievoertuig getrek voordat hulle in die voertuig op die vlug geslaan het.
Die polisiebeampte is nie tydens die voorval beseer nie en het hulp van sy polisiestasie ontbied.
Die polisievoertuig is sedertdien verlate in die nabygeleë beboste gebied bekend as Sigidi gevind en ’n saak van gewapende roof is aanhangig gemaak.
Kinana sê polisiebeamptes soek tans in en om plaaslike nedersettings na die verdagtes. Geen inhegtenisnemings is tot dusver gemaak nie.
Only in SA
Ja net in patetiese SA maar call hulle polisie is vrot
LOL… nou het ek alles gehoor