Saai kap Cele ook oor uitsprake

(Foto: Yolandi Kruger)

Die landbouorganisasie Saai sê boere in Suid-Afrika – groot en klein, arm en ryk, swart en wit, en ongeag politieke affiliasie – wil weet hoe hulle moet boer as kommunale beeste in hulle lande ingejaag word en oeste vernietig, en hoe landbou moet gedy as daar geen respek vir eiendoms- of verblyfreg is nie?

Saai sê die tirade van Bheki Cele, minister van polisie, voor boere in Normandien – nadat dié vraag aan hom gestel is – ontbloot die kern van die probleem en die ANC se rol daarin.

Cele het Maandag tydens ʼn vergadering by Newcastle in KwaZulu-Natal om veiligheidsprobleme te bespreek, luidens berigte uitgevaar teen sommige boere wat dié kwessies geopper het.

Dr. Theo de Jager, voorsitter van Saai, sê die minister het egter nooit die vraag beantwoord nie, maar dat opposisiepartye dit hopelik sal aanhou vra.

Hy sê plaasbetreders het op 18 Augustus ’n suksesvolle swart boer in Tzaneen se plaas afgebrand, drade geknip en gesteel en die afgelope naweek sy besproeiingsdam se krane afgeslaan. Volgens Saai treiter plaasbetreders dié boer al vir jare, maar die polisie weier glo om stappe te doen.

Saai voer ook aan in Noordwes kom plaasbedrywighede in die Hartbeesfontein-omgewing tot stilstand omdat die polisie versuim om plakkers, wat na bewering deur vakbonde aangehits word, van kommersiële plase te verwyder.

“Die regskoste wat boere moet aangaan om die wet toegepas te kry, beloop reeds meer as die waarde van hul plase,” sê De Jager.

Die organisasie sê ook die burgerregtegroep AfriForum het in Junie ingegryp om 500 grondgrypers van klein plase van swart, wit, bruin en Indiër-eienaars in Elandsfontein, suid van Johannesburg, te verwyder. Volgens Saai wou die polisie nie ʼn hofbevel daaroor afdwing nie.

“Min. Cele se uitbarsting skep verdere beleidsonsekerheid en skeptisisme onder sowel plaaslike grondeienaars as wêreldwyd onder handelsvennote en beleggers, wat vrees dat ad hoc-grondbesettings eerder as grondwetwysigings – soos wat in Zimbabwe gebeur het – die sneller tot ekonomiese inploffing sal wees,” sê De Jager.

Hy sê Cele se uitbarsting plaas die ANC sentraal in die aanhitsing van die knellendste probleme wat familieboerderye in die gesig staar.

“Die respek wat minister Cele al gillende opeis, soos vertroue, word ongelukkig nie verdien nie – en beslis nie afgedwing nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

22 Kommentare

jongste oudste gewildste
Pieter

Mooi gestel. Want hy weet niks way aangaan nie. Klomp rassiste van anc en eff.

Werner

ANC wil net soveel anargie in hierdie land he as die EFF dit is hoe jy oorgaan na n komunistiese bedeling. So raai wat geen stemmery een van die dae

Genis

Hy het nie n antwoord nie, dan maak hy sulke stelings uit onkunde en woede.. Want onthou hy is verheuwe bo almal. Ongelukkig vir hom, is die refleksie van die misdaat, GBW, moored, ents. N totale refleksie op hom eerstens, en die ANC as n voordeel..

Suzette

Een van die hoof clowns in die sirkus…

AndrewL

Cele sal aanhou skree op die boere want die vrae druis in teen die ANC beleid om die blanke bevolking te vernietig.

Die regering het geen wil om plakkery en vernietiging van infrastruktuur te bekamp nie. Die Wolwespruit voorval is ‘n sprekende voorbeeld. Tshwane is gewaarsku oor die moontlikheid van landgrype, maar hul doen niks daaraan nie – inteendeel, dit gaan voort met georganiseerde toevloei van mense.