Saak teen Julius Malema van hofrol geskrap

Julius Malema. Foto: ANA

Julius Malema. Foto: ANA

Die saak teen Julius Malema, leier van die EFF, is Dinsdag in die hooggeregshof in Polokwane van die hofrol geskrap.

Regter Billy Mothle het die beslissing gemaak op versoek van Malema se regspan wat aangevoer het die saak sloer al sedert 2012.

Die saak is aanvanklik Maandag uitgestel nadat Kagiso Dichabe, een van die mededirekteure van On-Point Engineering, se regspan versoek het dat hul kliënt apart verhoor word. Volgens Dichabe se verdediging is hy al sedert verlede maand in die hospitaal en daarom vra hulle ʼn aparte verhoor.

Die saak teen Lesiba Gwange, nog ʼn direkteur van On-Point Engineering, is ook van die hofrol geskrap. Die staat kan egter later besluit om hulle weer aan te kla.

Malema en sy medebeskuldigdes is daarvan aangekla dat hulle glo valse voorleggings aan die departement van paaie en vervoer in Limpopo gedoen om ʼn tender van R52 miljoen vir Malema se projekbestuursmaatskappy, On-Point Engineering, te kry. Hulle het in 2012 vir die eerste keer in verband met die aanklagte in die hof verskyn.

Die beskuldigdes het op aanklagte van korrupsie, omkopery en rampokkery tereg gestaan.

Klik hier vir alle vorige berigte oor Julius Malema op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

18 Kommentare

jongste oudste gewildste
Yvonne

Unfreakenbelievable!!!

MJL

Dit was van die begin af ‘n gegewe. Hy het lankal al geweet dit is hoe dit gaan wees.

christine

Yvonne ontspan dis net van rol af omdat dit re lank op rol is
.Hulle gaan dit weer plaas as die matjie uit hosp is. Dis net om kostes te bespaar. Saak gaan nie weg nie n tydelike ding.

Winston

Die staatsaanklaer kon net minstens gevra het vir n skeiding van verhore. Maklik. Sloer????wat sloer nie in die land nie. Alles sloer. Al wat nie sloer nie is die moorde op boere!

susan

Kon dit voorspel. Dieselfde gaan gebeur met die omstrede “woning” van die pres. Maak nie saak hoeveel taak en ondersoekspanne daar is nie. Daar gaan nie n sent terug betaal word nie. So voorspelbaar..