Die verhoor van nog twee beskuldigdes in die opspraakwekkende moord op die Noord-Kaapse hotelier Leon Brits (41) sal volgende jaar hervat word.
Suretha Brits (31), Leon se weduwee, is verlede maand ingevolge ʼn pleitooreenkoms in die hooggeregshof op Upington altesame 25 jaar tronkstraf opgelê vir moord en 15 jaar vir roof met verswarende omstandighede.
Leon Brits is op 7 Oktober verlede jaar wreed vermoor en sy liggaam in die swembad van die egpaar se huis op Pofadder gegooi. Suretha Brits het Leon se lyk daarna “ontdek”.
Suretha Brits het volgens getuienis derduisende rand betaal om Leon te laat vermoor. Dié inligting het aan die lig gekom tydens die pleitooreenkoms wat Jacques van Vuuren in Maart met die staat gesluit het.
Van Vuuren is op 25 Maart in die hooggeregshof in Kimberley ingevolge dié ooreenkoms tot 25 jaar tronkstraf gevonnis.
Van Vuuren, Enrich Williams (34) en Amantle Bareki (24) is oorspronklik vir Leon se moord in hegtenis geneem, terwyl Brits op 29 Maart ook aangekeer is.
Williams en Bareki het reeds getuig hoe die moord beplan en uitgevoer is, asook oor hul rol in die moord op Leon.
Die saak teen die twee sal op 31 Januarie weer in die hooggeregshof op Upington hervat word.
Ongelooflik hoe gou hierdie ” high profile” saak tot vonnis uitdiening gevorder het en Zuma grootste skurk in die land loop na 15 jaar nog vry. Patetiese gekaapte regstelsel met onbevoegdheid aan die voorpunt.
Ek rate die regstelsel in S.A. bo die mediese beroep.
Ja dit uiters pateties kyk hoe vinnig kan die wit vrou gevonnis word maar Zuma mag uit kom en vry beweeg kyk net hoe onregverdig gaan dit in ons land
Was dit nou nodig om Leon wreed te vermoor? Kon hulle hom nie net gewoonweg vermoor het nie?
Gaan die ondersoek beamptes en die die personeel van die hooggeregs eers vakansie hou, waarom solank, sodat die saak weer in file 13 beland.