Vergeet maar vir eers van ’n blou Maandag; gister was eerder ’n goue, silwer en brons Maandag vir Suid-Afrika by die Statebondspele in Birmingham.
Die Suid-Afrikaanse sportsterre het ses medaljes ingeoes om die vyfde plek op die medaljepunteleer te beklee.
Die judoka Michaela Witbooi het in die 48 kg-kategorie met die goue medalje weggestap nadat sy vir Shushila Devi Likmabam van Indië in die eindronde ore aangesit het.
Dan het Charné Griesel die bronsmedalje in haar gewigskategorie ingeoes.
'Please stand up for the national anthem of South Africa!'
Great job, Michaela Witbooi – #B2022 Judo 48kg champion – halala.
Take a bow, Mzansi! #TeamSA pic.twitter.com/ZNTogbdBSt
— Team South Africa (@TeamSA2024) August 1, 2022
Nodeloos om te sê was dit weer ’n goeie dag vir Suid-Afrika in die swembad met die opwindende Pieter Coetzé (24,77 sekondes) wat die silwermedalje in die 50 m-rugslagitem losgeswem het.
Erin Gallagher (26,05 sekondes) het tweede in die eindronde van die 100 m-vlinderslagitem geëindig. Haar spontante reaksie toe sy haar tyd op die groot skerm gesien het, was ongetwyfeld die kersie op die koek.
Women's 100m Butterfly Final | Erin Gallagher | ????
????
???? ????♂️????????
????♀️????????????????????????
Silver Medal for Gallagher
????????????????????????????????#B2022
????????????????????????????????#TeamSA pic.twitter.com/kvO76985MM— Team South Africa (@TeamSA2024) August 1, 2022
Christian Sadie, wat saam met Bongi Msomi die Suid-Afrikaanse vlag by verlede week se openingseremonie gedra het, was derde in die 50 m-vryslagitem vir S7-swemmers. Australië se Matthew Levy het die goue medalje in ’n tyd van 28,98 sekondes gewen.
Another proudly ???????? moment as Sadie is presented his medal.
????????????????????????????????#B2022
????????????????????????????????#TeamSA pic.twitter.com/Hg3mvMk8uS— Team South Africa (@TeamSA2024) August 1, 2022
Die Suid-Afrikaanse gimnas, Caitlin Rooskrantz, het ook geskitter om met die bronsmedalje op die trapbrug te spog.
Ladies and gentlemen, introducing…
That proud moment when they call out your name on the podium to receive your medal – Halala!
Congrats, Caitlin – BRONZE in #B2022Gymanstics Uneven Bars. #TeamSA #B2022 #CommonwealthGames pic.twitter.com/4FubNnm4oo
— Team South Africa (@TeamSA2024) August 1, 2022
Vandag se hoogtepunte:
Atletiek: Die uitdunrondes begin vandag met die 100 m-ster Akani Simbine (11:47) en die Paralimpiese medaljewenner Sheryl James (11:25) in aksie.
Swem: Daar wag ’n watertand-eindstryd in die 100 m-borsslagitem met Tatjana Schoenmaker (1:06.43 minute) en Lara van Niekerk (1:05.96 minute) wat sake om die goue medalje sal uitspook.
Van Niekerk het onder meer die Statebond-rekord in die 50 m-borsslagitem verbeter, terwyl Schoenmaker haar stempel in die 200 m-item afgedruk het.
Kaylene Corbett is ook deel van die eindronde-aksie en Suid-Afrikaners kan hul vordering om 20:07 volg.
Chad le Clos tree om 20:49 in die eindronde van die 100 m-vlinderslagitem aan, terwyl Aimee Canny (100 m-vryslag om 20:43), Michael Houlie (50 m-borsslag om 21:21) en Michaela Poulford (800 m-vryslag om 22:15) ook in die eindstryde sal swem.
Medalje-punteleer:
- Australië: 71 medaljes (31 goud, 20 silwer en 20 brons)
- Engeland: 54 medaljes (21 goud, 22 silwer en 11 brons)
- Nieu-Seeland: 24 medaljes (13 goud, 7 silwer en 4 brons)
- Kanada: 33 medaljes (6 goud, 11 silwer en 16 brons)
- Suid-Afrika: 12 medaljes (5 goud, 3 silwer en 4 brons)
- Indië: 9 medaljes (3 goud, 3 silwer en 3 brons)
- Skotland: 23 medaljes (2 goud, 8 silwer en 13 brons)
- Maleisië: 6 medaljes (2 goud, 2 silwer en 2 brons)
- Nigerië: 4 medaljes (2 goud en 2 brons)
- Wallis: 10 medaljes (1 goud, 2 silwer en 7 brons).
Pragtig en knap gedaan aan elke Suid Afrikaner! Trots op julle
Dis amazing!! Baie geluk!!
????????????puik. Ek hoop hulle Gaan ook erkenning kry met hul bank saldo Soos banyana banyana
SA’ners laat die medaljes inrol??? Australie en die Britte laat die medaljes inrol. SA’ners kry so af en toe enetjie