Ses aanvallers slaan toe op Limpopo-plaas

Argieffoto: Reint Dykema

Argieffoto: Reint Dykema

ʼn Man van Limpopo moes Maandagoggend geopereer word nadat hy in die vroeë oggendure deur ses gewapende aanvallers op ʼn plaas buite Tzaneen in die Agatha-omgewing oorval is.

Marius Jacobs, woordvoerder van Watchdog Tzaneen, het aan Maroela Media gesê die aanvallers het omstreeks 05:00 op die plaashuis toegeslaan. Hulle het glo deur die huis se vensters geskiet voordat hulle ʼn glasdeur oopgebreek het om toegang tot die huis te kry.

Volgens Jacobs het die man met die aanvallers gestoei en is in die proses met ʼn groot klip oor die kop geslaan. Hulle het onder meer met ʼn selfoon en handsak op die vlug geslaan. Die man se vrou en hul twee jong kinders is ongedeerd.

“Ons het die man in die pad voor die plaas ontmoet. Hy het self daarheen gery omdat die plaas se paaie so verspoel was dat dit nie vir ons toeganklik was nie,” het Jacobs gesê.

Russel Meiring, woordvoerder van ER24, het ook aan Maroela Media bevestig dat hulle die man voor die plaas gekry het. Volgens Meiring het hy ʼn ernstige snywond aan sy kop gehad en moes per ambulans na die Mediclinic Tzaneen vervoer word.

Kol. Ronel Otto, woordvoerder van die polisie, het die aanval bevestig. Maroela Media wag op meer inligting van die polisie.

Die name van die slagoffers kan nie onmiddellik bekendgemaak word nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

27 Kommentare

jongste oudste gewildste
tamboti

Niks behalwe wraak sal enige effek op ons misdaad/moord situasie maak nie!

Willie

Is die ganse wereld blind vir die sinelose moored/roof/verkrag/steel sieke Suid Afrika? Dit gaan nie stop nie, dit is net die begin…

007

Slagoffers ?

vierkleur

En so het die SAPS plaas moorde geprioritiseer. Dis lagwekkend want dit lyk vir my of dit nou meer gereeld gebeur as voorheen? Hierdie is terrotiste en moet met geweld uitgewis word,dit is al manier. Ons word nie meer gemoor vir geld of iets anders nie, dit gaan nou oor die boer,om hom te vernietig.

GES

Bring terug die kommandostelsel en stel die doodstraf in vir moord met voorbedagte rade. Voor dit nie gebeur nie gaan niks gebeur nie.