Ses bedrieg onderwysdepartement glo uit R3 miljoen

(Argieffoto: SA Polisie/Facebook)

ʼn Groep van ses mense, onder wie ʼn administrasieklerk by die departement van onderwys in Mpumalanga, sal na verwagting Maandag in die Bosbokrand-landdroshof verskyn op aanklag van bedrog en geldwassery.

Kapt. Dineo Lucy Sekgotodi, woordvoerder van die Valke, sê al ses het reeds lasbriewe ontvang om Maandag in die hof te verskyn.

Hulle sal môre formeel in hegtenis geneem en na die hof gebring word.

Sekgotodi sê die lasbriewe volg op ʼn ondersoek deur die Valke na die administrasieklerk wat verantwoordelik was vir die hantering van betalings van eise wat by die departement ingedien is.

Die vrou het na bewering bykomende rekeningnommers verskaf en ekstra bedrae geld is glo in dié rekeninge inbetaal. Die geld is daarna na die rekeninge van verskeie van haar familielede oorgeplaas.

Die departement het volgens die Valke sowat R3 miljoen op dié manier verloor.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

7 Kommentare

jongste oudste gewildste
Jaco

Daar moet nuwe reëls gemaak word om te keer dat mense maklik hulle hande op geld kan kry.

Sarel

Wat is die Politieke konneksie…en waar is die GROOT KANONNE

Marius

Sluit hulle toe en gooi die sleutels weg !!!

SjN

Skelms, sluit toe en vorder die geld.

Shakespeare

Kaders het elkeen ‘n meestersgraad in korrupsie. Hulle is vervuil in al die staatsinstansies tot by die kabinet. Al die vakke wat ekomiese groei, bevoegdheid, eerlikheid en werksetiek behels, het hulle met ‘n FF simbool gedruip.